بلوچستان ءِ دمگ پنجگور ءَ پاکستانی لشکریاں یک مردمے دزگیری ءَ پد بیگواہ کُتگ۔
ھالانی ردءَ پاکستانی لشکریاں ءُ چیریں گلانی کارمنداں گوستگیں شپءَ یک ءِ وھدءَ پنجگور ءِ خدابادان ھنکین ءَ بیڑ بُرتگ ءُ یک مردمے دزگیر کنگ ءَ پد بیگواہ کُتگ۔
دزگیری ءَ پد بیگواہ بیتگیں مردمے پجار مسعود ء مقبول اھمد ءِ نام ءَ بیتگ۔
بلوچستان ءَ زوریں بیگواھیانی یکشلی برجاہ اِنت ھمے گوستگیں ماہ ءَ لشکریاں بازیں مردمے بلوچستان ءِ جتاھیں ھند ءُ دمگاں چہ بیگواہ کُتگ اَنت۔