ھزدار ءَ سُھرک ءِ نادراھی ءَ دو زھگ بیران

سربوتگیں ھالانی رِد ءَ بلوچستان ءِ دمگ ھزدار سنی ءَ سُھرک ءِ نادراھی ءَ دو کسانیں زھگ بیران بوتگ اَنت –

بیران بوتگیں زھگانی نام صبیحہ ءُ مزمل انت ھرود زھگ عبدالحق بلوچ ءِ نماسگ انت ءُ آھانی اُمر دہ ماہ ءُ یکی ءَ سالے بوتگ –

زانگ بہ بیت ھزدار ءِ شھر ءُ کش ءُ کِری دمگاں سھرک ءِ نادراھی گیش تالان بوان انت سدانی کچ ءَ زھگ اے نادراھی آماچ انت – سرکاری ھسپتال ءُ پراؤیٹ کلینکاں ھپتاد درسد سھرک نادراھی آماچ گونڈو آرگ بوگ ءَ انت –

چِد ءُ پیش ھم سھرک ءِ نادراھی ءَ بلوچستان ءِ دگہ دمگ ھم اسرمند بوتگ اَنت کہ آیانی تہ ءَ کیچ ءُ نصیر آباد ھوار اَنت –