آبؔد رھشون
دی بلوچستان پوسٹ
پہ ھون جنگ ءِ کسّھاں کہ شائر ءِ کلم نبشت کنت
مران ءُ ندر باں پہ مادر ءَ وتی چو ھَم نبشت کنت
پہ مرگ ساڑی ئیں گَلانی توکل ءَ چو پُلّ ءُ گواڑگ ءَ
پہ براہ سنگراں رُدیت گوں بوّاں درد ءُ گم نبشت کنت
چو سنجے ءَ بُج ئے دل ءَ چو برمشے ءَ بلان ئے کوھسراں
تئی بُت نگاہ ءَ ایر بیت ، دو ترمپ اَرس اے چم نبشت کنت
تئی گپّ ءُ تران ءُ ٹوک ءُ مھلبیں ھیال ءِ شیرکنی ، منی
کہ کاینت گیر ءِ بادگیر ءِ ساھگ ءَ پہ جَم نبشت کنت
من ءَ بہ بکش اگاں ند ءِ شھار نہ سبز اِتگ پہ تو اُو دوست
پہ نام ءَ تئی وپا ءِ سیرکگاں دل ءِ ھَتم نبشت کنت