کیچ: بلوچ اسٹوڈنٹس ایکشن کمیٹی ءِ نیمگ ءَ بک اسٹال جنگ بیتگ

بلوچستان ءِ دمگ کیچ ءِ بنجاھی شھر تربت ءَ بلوچ اسٹوڈنٹس ایکشن کمیٹی ءِ نیمگ ءَ یک بک اسٹالے جنگ بیتگ، بک اسٹال گوستگیں روچ ءَ بزاں دو شمبے ءَ تربت ھنکین ءِ نیمگ ءَ ایر کنگ بیتگ –

بک اسٹال ءَ جتا جتائیں وانگجاھانی نودربراں بھر زرتگ ءُ ایر کتاباں دلگوشی داتگ ءُ بک اسٹال ءَ اتکگیں مردماں کتابی ایر کنگ ساڑ ءَ اَتگ –

برجم کتگیں بک اسٹال ءَ بازیں چاپ ءُ شنگ بوتگیں کتاب نودربرانی ھاتر ءَ ایر کنگ بوتگ انت – بک اسٹال ءَ گل ءِ سَے ماھی کتاب نوشت ھم دیم ءَ آرگ بیتگ –

بلوچ اسٹوڈنٹس ایکشن کمیٹی بلوچستان ءِ جتا جتائیں جاھاں وھد وھد ءِ سر ءَ بک اسٹال کنگ ءَ اِنت کہ چریشی ءَ بازیں مردم اے بک اسٹالاں بھر زیرگ ءُ کتابی نیمگ ءَ دلگوشی دیگ ءَ اَنت-

گل ءِ گوشگ اِنت کہ گل ءِ مول ءُ مراد ھمیش اِنت کہ بلوچستان ءِ جتا جتائیں جاھاں بک اسٹال ھمے واستا ایر کنگ بنت کہ اود ءَ نودربر زانت چراگ ءَ چہ گستا مہ بنت ءُ آیانی زانت ءُ زانشت ءِ تہ ءَ بودناکی اتک بہ کنت –