ٹی ٹوئنٹی ورلڈ کپ: تاریخ ءِ تہ ءَ اولی رند ءَ ورلڈ کپ ءَ پاکستان ءَ بھارت پروش داتگ

پاکستان ءَ بھارت دہ وکٹاں پروش داتگ ءُ اے اولی رند انت کہ پاکستان ءَ ورلڈ کپ ءِ تہ ءَ بھارت پروش داتگ –

مروچی دبئی انٹرنیشنل کرکٹ پٹ ءَ بوتگیں ٹی ٹوئنٹی ورلڈ کپ گوازی ءَ پاکستان ءَ ٹاس کٹیتگ ءُ وت اولسر ءَ بالنگ کنگے پیسلہ کتگ –

بھارت ءَ بیست اوورانی تہ ءَ ھپت وکٹانی تاوان ءَ یکسد ءُ پنجاہ ءُ یک رن جوڈینتگ ءُ یکسدو ءُ پنجاہ ءُ دو ءِ ٹارگٹ ءِ داتگ –

پاکستان ءِ نیمگ ءَ شاھین سَے وکٹ گپتگ ءُ درساں چہ سوبمندتریں بالر بوتگ وھدیکہ حسن علی ءَ دو ءُ شاداب ءُ حارث ءَ یک یک وکٹ ءِ گپتگ –

پسوئی ءَ پاکستان ءَ یکسدو ءُ پنجاہ ءُ دو رنانی ٹارگٹ بید تاوان ءَ ھژدھمی اورر ءَ پروشتگ ءُ گوازی کٹیتگ –