پنجگور ءَ شھید بیتگیں سرمچاراں سھر چکیں دروت ندر کن آں – بی ایل ایف

بلوچستان لبریشن فرنٹ ءِ جارکش میجر گوھرام بلوچ ءَ پنجگور ءَ شھید بیتگیں سرمچاراناں سھر چکیں دروت ندر کرتگ ءُ گشتگ کہ بیست ءُ دو اکتوبر دوھزار ءُ بیست ءُ یک ءَ پنجگور ءِ دمگ چاھی چکل ءِ ھند ءَ سرمچارانی ءُ پاکستانی پوج ءِ جوڑ کرتگیں ڈیتھ اسکواڈ ءِ میان ءَ یک جنگے بیتگ – اے جنگ سھب ءِ ساھت پنچ ءَ بندات بیتگ ءُ بیگاہ ءِ چار ءَ داں برجاہ بیتگ –

آئی ءَ گشتگ کہ اے جنگ ءِ وھد ءَ لیفٹیننٹ کمبر بلوچ پنام ھِ عادل ء ڈاکٹر عیسیٰ جھمنند وشبود پنجگور ءُ سیکنڈ لیفٹیننٹ ناسر بلوچ پنام ءِ سوفی ء ماسٹر علی بکش جھمنند وشبود پنجگور ءَ دشمن ءِ گون ءَ بھادری ءَ میڑان ءَ شھیدی گچین کرتگ ءُ دومی ھمراھانی سلامتی ءَ درکنگ ءَ سوبین بیتگ اَنت – شھید کمبر دوھزار ءُ دوزدہ ءَ بی ایل ایف ءِ پتر ءَ گوں بندوک بیتگ آ پرکاریں جھدانی سبب ءَ آ گل ءَ لیفٹیننٹ ءِ اگدو ءِ سر ءَ نامینتگ – شھید ناسر بلوچ سال دوھزار ءُ سیزدہ ءَ بی ایل ایف ءَ ھوار بیتگ سیکنڈ لیفٹیننٹ ءِ اگدو ءِ سر ءَ بیتگ ھردوکیں سرمچاراں بازیں جنگانی وھداں جوانیں جنگ کرتگ انت ءُ بلوچ راجی آجوئی ءِ جنز ءِ تہ ءَ وتی کرد پیلو کرتگ –

آئی ءَ گشتگ کہ آئی ءَ گشتگ کہ ریاستی لشکر ءَ باز وھداں شھید کمبر ءِ لوگ مانداشتگ اَنت ءُ آئی ءِ کھول ءِ بازیں مردم شھید ھم کنگ بیتگ اَنت –

جارکش ءَ گشتگ کہ شھید آسم پنام ءِ نوید کہ شھید کمبر ءِ تروزتک بیتگ کہ آئی ءِ سیادی ھم بی ایل ایف ءَ بیتگ سال دوھزار ءُ چاردہ ءَ شھید بیتگ، نعیم جان ء ھاجی حنیف ھم آئی ءِ تروزتک بیتگ کہ سال دوھزار ءُ چاردہ ءَ شھید بیتگ ھمے وڑ آئی ءِ ناکو ڈاکٹر جمہ ء رسول بکش سال دوھزار ءُ چاردہ ءَ ھم شھید بیتگ، آئی ءِ دگہ یک نزیکیں سیادے قدیر ء ماسٹر امین سال دوھزار ءُ چاردہ ءَ شھید بیتگ –

جارکش ءَ گشتگ کہ ما سرمچارانی شھیدی ءُ کربانیاں نہ کُٹوکیں جھد ءِ بھر سرپد بہ ایں اے مسام ءَ کن ایں کہ آیانی جد ءُ جھد داں بلوچستان ءِ آجوئی ءَ برجاہ بیت اِنت –