چیریں ادارھاں برات زورانسری ءِ آماچ کرتگ – گل زادی بلوچ

مَچ ءِ جھمنندیں گل زادی بلوچ بیگواھیں مردمانی بنجل ءَ اتکگ، چہ سرکار ءَ بیگواھیں برات ءِ دیم ءَ آرگ ءِ لوٹ ئِے کرتگ –

گل زادی بلوچ ءِ گوشگ اَت کہ آئی ءِ برات مھمد ودؤد ساتکزئی دوزادہ اگست ءَ مچ لچھی ءَ پورسز ءُ چیریں ادارھانی کارمنداں ھما وھد ءَ آوار جتگ ءُ بیگواہ کرتگ آ چہ لوگ ءَ دراتکگ دیم پہ مسیت ءِ نیمگ ءَ نماز ءِ وانگ ءَ روگ ءَ بیتگ –

گل زادی بلوچ ءِ گوشگ اَت منی برات زورانسری ابید ءِ جرم ءَ دزگیر کنگ ءُ آدگہ بلوچانی رنگ ءَ زورانسری بیگواھی ءِ آماچ کرتگ –

زورانسری بیگواھی ءِ آماچ بیتگیں ودؤد بلوچ ءِ گوھار ءَ انسانی ھکانی زمہ واریں اداھاں ھوار مزنیں واکاں گوں برات ءِ یلو کنائینگ ءِ دزبندی کرتگ –

گل زادی بلوچ ءِ گوشگ اَت کہ اگاں آئی ءِ برات ءَ دگہ جرمے کرتگ گڑا آمیدگساں ارگ ءُ پیش کنگ بہ بیت اِنت ءُ گپ کنگ ءِ موہ دیگ بہ بیت اِنت-

گل زادی بلوچ ءَ وتی برات ءِ بارو ءَ سرجمیں گپ وائس فار بلوچ مسنگ پرسنز ءِ گور ءَ نبشتگ کنائینتگ اَنت –