بلوچستان ءِ جتاجتائیں دمگاں پاکستانی پوج ءِ سر ءَ ناشناسیں سلاہ بنداں اُرش کتگ

بلوچستان ءِ دمگ آواران ، دشت ، بالگتر ءَ پاکستانی پوج ءِ سر ءَ ناشناسیں سلاہ بنداں مردماں اُرش کتگ-

سربوتگیں ھالانی رِد ءَ آواران ءِ دمگ جھاؤ ءَ نونڈڑہ تلارک ءِ ھند ءَ پاکستانی پوج ءِ چوکی ءِ سر ءَ ناشناسیں سلاہ بندیں مردماں اُرش کتگ –

اُرش ءِ آسر ءَ پاکستانی پوج ءَ تاوان چست کنگ کپتگ-

ھمے وڑ مروچی سُھب ءَ ساھت ھشت ءَ ناشناسیں مردماں پاکستانی پوج ءِ راہ ءِ سر ءَ شورو چیر کتگ ءُ پوج شوروانی نشانگ ءَ اَتکگ ءُ جانی تاوانانی چست کنگ ءِ گمان اِنت-

دگہ یک اُرشے دشت ءِ دمگ پیروتگ ءَ ساھت ھشت ءَ پاکستانی پوج چوکی ءِ سر ءَ ناشناسیں سلاہ بندیں مردماں گوں ٹوھیں ءُ راکٹاں اُرش کتگ –

اے اُرش ءِ آسر ءَ پاکستانی پوج ءَ تاوان ءِ گمان اِنت-

اے بوتگیں جتاجتائیں اُرشانی زمہ واری انگت ھچ گل ءَ نہ زرتگ اَنت نانکہ سرکاری بنشون ءِ نیمگ ءَ اے اُرشانی درگت ءَ درشان شِنگ کتگ-