ٹی ٹونٹی: ائیرلینڈ ءِ لیبی کرٹس ءَ کُت کمال چار بالاں چار وکٹ

دبئی انٹر نیشنل کرکٹ پٹ دو شمبے روچ ءَ بوتگیں ٹی ٹونٹی انٹر نیشنل کرکٹ گوازی ءَ ائیرلینڈ ءَ نیدرلینڈ ءُ سری لنکا ءَ نیمبیا دیم ءَ ھپت ھپت وکٹاں باج برتگ –

ٹی ٹونٹی ورلڈ کپ ءَ جوڈ بوت نوکیں ریکارڈ ءِ آئیرلینڈ ءِ تیزیں بالر کرٹکس کینفر ھیٹرک کنگ ءَ ھوار چار بالاں آئی ءَ چار وکٹ گپت –
ٹی ٹونٹی انٹرنیشنل ءَ اشی ءَ پیش سری لنکا ءِ بالر لست ملنگا ءُ افغانستان ءِ بالر راشد خان ءَ ھم پیسری ٹی ٹونٹی ءَ چار بال ءَ چار وکٹ گپتگ – آئیرلینڈ ءِ نیمگ ءَ ھیٹرک کنوکیں اولی بالر ھم جوڈ –
کرٹس ءَ وتی اننگ ءِ دھمی اوور ءَ اے وتی اے کرد پیش داشت آئی ءَ دومی ءَ بگر پنچمی بال ءَ کالن، ریان ٹین، اسکاٹ ءُ رولوف وین اؤٹ کت انت آئی ءَ دو لیبی ایل بی ڈبلیو کت وھدیکہ یکے بولڈ – اشی پیش راشد خان سال دوھزار نوزدہ ائیرلینڈ بگیری ءَ لست ملنگا ءَ نیوزلینڈ ءِ بگیری ءَ چار بالاں چار وکٹ گپتگ –

نیدرلینڈ ءُ ائیرلینڈ میان ءَ بوتگیں گوازی ءَ ھپت وکٹاں باج برتگ نیدر لینڈ ءَ اولسر ءَ بیٹنگ کنان ءَ یکسد ءُ شش رن ءِ ٹارگٹ جوڈ کتگ ائیرلینڈ ءَ پانزدہ اووراں ٹارگٹ پروشتگ ءُ گوازی وتی نام ءَ کتگ –

دبئی ءَ دومی گوازی سری لنکا ءُ نیمبیا ءِ میان ءَ بوتگ سری لنکا ءَ ھپت وکٹاں باج برتگ گوازی وتی نام ءَ کتگ – سری لنکا ءَ ٹاس کٹتگ اولسر ءَ بالنگ کنگے پیسلہ کتگ نیمبیا ءِ نیمگ نود شش رن ءِ ٹارگٹ دئیگ بوتگ سری لنکا ءَ جوانی ءَ گوازی کنان ءَ نیمبیا ءِ ٹارگٹ پروش داتگ ءُ وت ءَ سوبمند کتگ –