واشک ءَ پاکستانی پوج ءَ کسانیں سالیں جِنکو ھمراہ ءِ برات ءَ آوار جتگ

دی بلوچستان پوسٹ پتر ءَ سربوتگیں ھالانی رِد ءَ پاکستانی پوج ءَ بلوچستان ءِ دمگ واشک ٹوبہ میتگ ءَ لال بخش نامی مردم ءِ گِس ءِ سر ءَ بیڑ برتگ دو کسان سالیں زھگ برات ءِ ھمراہ گھار ءَ آوار جتگ ءُ بیگواہ کتگ-

پاکستانی پوج ءِ دست ءَ زورانسری آوار جنگ ءُ بیگواہ بوتگیں زھگانی پجار صنم بلوچ اُمر دہ سال ءُ شش سالی گزین ء جمیل ءِ نام ءَ چہ بوتگ انت –

دمگی مردمانی رِد ءَ ھردو زھگ پاکستانی پوج ءَ آوار جتگ ءُ گوں وت برتگ انت کہ پد رند ءَ ھردو زھگانی ھچ مالوم نیست وھدیکہ دومی نیمگ ءَ پوج ءَ دمگی مردم لوٹارینتگ انت دمگ ءَ چہ در پہ در بوھگے ھکم داتگ –

اھوالکار ءِ رِد ءَ اشی ءَ پیش آواران ءِ دمگ سولیر ءَ در کتگیں کھول واشک ڈوبہ ءَ یل کنگے ھم بیھار داتگ –

دمگی مردمانی رِد ءَ آواران سولیر ءَ در کنگ بوتگیں کھول پیسر ءَ چہ در پہ دری زند گوازینگ ءَ بوتگ انت کہ پوج ءَ آواران ءَ چہ در کتگ انت گڈا ھمدا واشک ٹوبہ ءَ اتکگ ءُ جاھمنند بوتگ انت.

دومی نیمگ ءَ گوستگیں شپ ءَ پوج ءَ آواران ءِ دمگ زیارت ڈن ءَ بازیں کھول ءِ پاکستانی پوج ءَ دزگیر کتگ ایف سی بنجل ءَ برتگ انت –

زیارت ڈن ءَ گوستگیں بازیں روچاں پوج ءَ دمگی مردم گوشتگ انت کہ دمگ ءَ یلا بکن ات وھدیکہ پوج ءَ بازیں کھول ءِ زورانسری وتی بنجل ءَ برتگ –

زیارت ڈن ءَ پوج ءِ دست ءَ زروانسری ایف سی بنجل ءَ برتگیں مردمانی تہ ءَ دہ پانزدہ زالبول ءُ چکاں ھوار بازیں مردم انت –