ھرنائی زمین چنڈ ءَ ھبدہ مردم بیران، دوسدءُ سِی ءَ گیش ٹپی

بلوچستان ءِ دمگ ھرنائی ءَ گوستگیں روچاں بوتگیں زمین چنڈءَ جانی ءُ مالی تاوانانی بنداتی رپورٹ شنگ کنگ بوتگ –

دمگی واکدارانی نیمگ ءَ شنگ بوتگیں رپورٹ ءِ رِد ءَ ھپت اکتوبر ءَ بوتگیں زمین چنڈ ءَ ھبدہ مردم بیران بوتگ ءُ دو سد ءُ سِی ءَ گیش مردم زدگ بوتگ انت کہ آھانی تہ ءَ سِی ءُ دو مردم سک باز زدگ بوتگ انت- دوسد ءُ شست گِس سرجمی ءَ تباہ بوتگ ءُ وھدیکہ سِی ھزار ءُ ھپت سد ءُ بیست گِساں تاوان رستگ –

بنداتی شنگ بوتگیں رپورٹ رِد ءَ زمین چنڈ ءَ سِی ءُ دو اسکول، پنچ ھسپتال ءُ پنچ مسیت ھم کپتگ –