نامی ئیں وشکندی ازمکار عمر شریف بیران

وشکندی ءِ نام ءَ چہ نامداریں عمر شریف بیران بوتگ ، آ الاج ءِ ھاتر ءَ امریکہ ءَ روگ ءَ بوتگ ، تبیت ءِ شر نہ بوگ ءَ چہ عمر شریف جرمنی نادُراھجاہ ءَ برگ بوتگ –

وشکندی ءُ ازمکار عمر شریف ءَ وتی کروڑانی لوٹکانی ابیتک کنگ ءُ چہ اے دگنیا ءَ شتگ آ گوستگیں روچاں الاج ءِ ھاتر ءَ امریکہ برگ ءَ بوتگ انت ئِے کہ راہ ءِ نیم ءَ آئی ءِ تبیت شر نہ بوتگ آ جرمنی ءِ یک نادُراھجاھے ءَ برگ بوتگ – اود ءَ آئی ءَ الاج ءِ وھد ءَ وتی ساہ داتگ اَنت ، عمر شریف ءِ بیرانی ءِ گپ آئی ءِ لوگ بانُک داتگ-

ازمکار عمر شریف 19 اپریل 1955 ءَ کراچی ءِ دمگ لیاقت آباد ءَ ودی بوتگ ءُ 1974 ءَ ازم ءِ دگنیا ءَ گام ایر کتگ – آئی ءِ راستیں نام محمد عمر بوتگ بلے رسانکدر ءَ آیگ ءَ پد وتی نام عمر شریفے کتگ-

آ نامداریں تھیٹر ، اسٹیج ، تامُر ءُ ٹی وی ءِ ازمکارے بوتگ- بڈھا گھر پر ہے ، ہم سب ایک ہیں ، بکرا قسطوں پر ، چاند برائے فروخت ، مجھے بیویوں سے بچاؤ، اکبر اعظم وڑیں وشکندی ءَ چہ آ اے دگنیا ءِ بُرزی ءَ سر بوتگ-

عمر شریف وتی وڑ ءَ یکیں ازمکار اِنت کہ توار بندیں پیت بنداں وتی زانتکارے ءَ ھپت دریا ءَ آ دیم شنگ بوتگ اَنت –