بولان ءَ پاکستانی پوج ءِ لشکر کشی سیمی روچ ءَ ھم برجاہ ءَ اِنت

بلوچستان ءِ دمگ بولان ءَ پاکستانی پوج ءِ نیمگ ءَ چہ مروچی سیمی روچ ءَ ھم لشکر کشی برجاہ ءَ اِنت-

پاکستانی پوچ ءَ اے لشکر کشی گوستگیں روچاں بندات کتگ دانکہ مروچی ھم برجاہ ءَ اِنت بزگر ءُ آئی ءِ کش ءُ گور ءِ دمگاں لشکر کشی کنگ بوگ ءَ اِنت-

دمگی اھوالکارے ءِ رِد ءَ ھمے دمگاں نزیکیں میتگ پاکستانی پوج ءِ انگر ءَ اَنت-

اے لشکر کشی ءِ درگت ءَ انگت سرکاری رِد ءَ گپ دیم نیتکگ وھدے کہ دیر ءُ دراجیں دمگانی بوگ ءُ روگ ءُ آھگ ءِ راہ درانی بند بوگ ءِ سبب ءَ تاوانانی ھال سر بوگ ءَ نہ اِنت-

زانگ بہ بیت اے سئیں روچاں برجاھیں لشکر کشی ءَ پاکستانی پوج ءِ جھلی لشکر ءِ ھمراھی بُرزی کُمک ھم گون اِنت-