بلوچ اسٹوڈنٹس ایکشن کمیٹی “بی ایم سی نرسنگ بنزہ” بنزھی نیاد بُنزہ کارمستر مھلب بلوچ ءِ پاگواجھی ءَ برجم دارگ بوتگ، نیاد ءِ گچینی ءِ مھمان ھنکینی کمک کارگشاد فھد بلوچ ءُ ھواریں مھمان ھنکینی شنگکار واحد بلوچ بوتگ انت۔
نیاد ءَ جتا جتائیں سرھالانی سر ءَ باوست کنگ بوتگ ءُ آؤکیں گامگیجانی تہ ءَ کابینہ ءب ھلاس کنگ ءِ پیسلہ زُورگ بوتگ۔
نیاد ءَ بندات بیتگیں سرھالاں ھنکینی سرکولر، بُنزہ گوستگیں اھوال، ایرارگری، گلی رھبند، میان اُستمانی ءُ ھندی سیاسی جاورھال، آؤکیں گامگیجانی سر ءَ گپ بیتگ اَنت-
ھنکینی سرکولر ءِ سرھال ءِ سر ءَ ھنکینی سنگتاں ھنکینی سرکولر وَنت ءُ ھنکینی زُرتگیں پیسلہ گُشتگ اَنت دیمترا بُنزہ ءِ گوستگیں اھوال وانگ بوتگ اَنت ایرادگری بنگپ ءِ سرھال ءِ سر ءَ نیاد ءِ سروکاں گوستگیں ھنکینی ءُ بُنزہ ءِ کارانی گھتری ءِ واستا نگدی چمشانک داتگ ءُ گلی رھبندانی سر ءَ باوست کنگ ءَ رَند نیاد ءِ سروکاں میان اُستمانی ءُ ھندی سیاسی جاور ھالانی سر ءَ گپ ءُ رپ کرتگ –
نیاد ءِ سرھال ءِ سر ءَ بنزہ ءِ سروکاں وتی ھندی جاور ھال گُشتگ اَنت ءُ میان اُستمانی سیاسی جاور ھال ءِ سر ءَ چمشانک داتگ ھنکینی سنگتاں اے سرھال سَر ءَ گپ کناں گُشتگ کہ ما شُما کُل سرپد اِنت کہ دگنیا (میان اُستمانی) سیاسی جاور ھال ھمک روچ ءَ مَٹ بوان اَنت ءُ مارا ھمے لھتے جاورانی سر ءَ نزّیکی دارگی اِنت کہ ھما مَٹّیاں چہ مئے سر ءَ اسر کپ ایت چُش کہ دگنیا ءِ واھگ ھمیش اِنت کہ ملک ءُ راجانی سر ءَ زورگری کن اَنت ءُ وتی راجی ستانی واستا دومی راجاں لگتمال کن اَننت، دگنیا ءِ تہ ءَ ھمُک وھدا شدکشی ءِ جنگ ءُ جدل بوتگ اَنتءُ جنگ مزن مزنیں بوتگ انت-
آیاں گُشتگ کہ میان اُستمانی اولی ءُ دومی مزنیں جنگ ءُ دومی میان اُستمانی جنگ (1945) ءَ رَند دگنیا ءِ آ کولڈ وار بندات کُرت ءُ ایشی ءِ بندات کنوکیں ملکانی تہ ءَ دو ڈیھ نامان اِنت یَکے ‘یو ایس اے’ انت ءُ دومی ‘یو ایس ایس آر’ اِنت اے ملکاں ھمک ملک ءُ راجانی وتی وتمانیں پالیسیانی واستا وتی وتی بلاکانی نیمگ ءَ آرگ ءُ آوار کنگ ءِ جھد کرتگ ءُ لھتے ملکان وتی پروکسی (proxy) واستا کارمرز کرتگ ءُ دگنیا ءِ تہ ءَ اے ملک یک جاھے ءَ اِت اَنت یا کہ یک ھَدّ اِت اَنت کامیاب ھم بوتگ اَنت، دگنیا ءِ تہ ءَ لھتے ملکاں زمینی اَرزشت (geographic importance) باز ھست کہ آیانی تہ ءَ اوگانستان ھم آوار انت کہ آئی ءِ کوہ، آئی ءِ زمینی اَرزشت ءَ باز کن اَنت ءُ ھمے وڑ ءَ بلوچستان ءِ زمینی اَرزشت ھم باز اَنت کہ آئی ءِ تہ ءَ بلوچستان کوہ ءُ بلوچستان اے گرم آپ (Hot sea water) اِنت، پمیشکا برطانیہ وڑیں زورآور اِے نیمگ ءَ آیگ ءِ مول ءُ مراد ھمے بوتگ کہ آ وتی لوٹاں سرجم کت بہ کنت۔
نیاد ءَ نیاد ءِ رھشوناں گپ کناں گُشتگ کہ اے جاور ھالانی تہ ءَ اوگانستان ءِ سیاسی جاورھال مٹ بوان انت ءُ آوانی اسر ھم زاھر اِنت بلوچستان ءِ سر ءَ ءُ انو کہ لھتے ملکانی میان ءَ آ یک یکجھتی ءِ بُوتگ ءِ آئی ءِ نام داتگ کہ کواڑ اتحاد ءُ ایشی ءِ تہ ءَ امریکہ، ھندستان، آسٹريليا، ءُ جاپان ھوار اَنت، بلے اے اتحاد ءَ را چین ءَ رَد کُرتگ ءُ گوشتگ کہ ایشی ءِ سوب ایش اِنت کہ دگنیا ءِ تہ ءَ زرکاری ءِ جنگ، زرکاری ءِ دیمداری اِنت ءُ ایشی ءِ تہ ءَ دو ملکانی میان ءَ تچک ءَ دیمداری بوگ ءَ اِنت نی اے ملک وتی لوٹانی واستا دومی راج ءُ ملکاں کارمرز کن اَننت، یک دِگہ کولڈ وار ءِ بندات بوگ ءِ شَک ھست اِنت۔
نیاد ءَ آیاں گپ جناں گُشت کہ دگنیا ءِ سیاست چو سرکجی ءَ چہ ڈن اِنت بلے ما کہ وت ءَ سیاسی نودربر گوش اِنت گڑا الم انت کہ لھتے چیزاں گوں نَزّیکی بہ بیت اِنت ھنکینی سنگتاں ھندی سیاسی جاور ھال ءِ سر ءَ چمشانک داتگ ءُ گشتگ کہ ھندی جیڑگ باز اَنت ایشانی تہ ءَ پنجگور ءِ جاور، ءُ مردمانی بیران بوگ، یا کہ گوادر ءَ آپ ءُ ماهیگیرانی جیڑہ بہ بیت، کہ گوادر ءِ مردمانی روزگار ءِ راہ ماهیگیری انت، آچہ ابید بازیں جیڑگ ھست انت، چُش کہ پی ایم سی (PMC) ءِ انٹری ٹیسٹ پالیسی اَنت کہ نودربر انٹری ٹیسٹ ءِ اولی روچاں چِہ زھرشانی ءُ روانک کَشّگ ءَ اَنت، ءُ ایشانی سر ءَ پولیس ءَ لَٹ ءُ کُٹ کرت ءُ آنسو گیس ءِ تیر ھم گواری کہ آئی سوب آ بازیں نودربرے ٹَپّی بُوتگ اَنت بازیں نودربرے دستگیر کنگ ھم بوتگ اَنت ءُ ایشانی تہ ءَ بلوچ اسٹوڈنٹس ایکشن کمیٹی ءِ بازیں سنگت ھوار بوتگ اَنت کہ آیانی ھالت جوان نہ اَنت، بلئے حکومت ءَ نودربرانی لوٹ اَنگت آ گوش ناداشتگ ءُ نودربر وتی زھرشانی ءُ روانک برجم داشتگ اَنتءُ چُش کہ ما سرپد بوگ ءَ ایں اے یک زانتے ءِ دروشم ءَ کنگ بوگ ءَ اَنت، سنگت ءَ گپ جناں گُشت کہ اے جیڑاں گوں ھوار مارا سیاسی جیڑگانی سر ءَ کار کنگی انت ءُ آ ھم سمجھگی اَنت۔
آیوکیں گامگیجانی سرھال ءِ تہ ءَ بنزہ گوستگیں کابینہ ھلاس کنگ بوتگ ءُ نوکیں کابینہ گچین کنگ بوت، نوکیں کابینہ سنگت، کارمستر مھلب بلوچ، کمک کارمستر، اقراء بلوچ، کارگشاد دُرناز بلوچ، کمک کارگشاد عقیدہ بلوچ، شنگکار ماھکان بلوچ گچین کنگ بوتگ اَنت۔ نوکیں کابینہ ءِ سنگتاں ھنکینی سنگت ءَ سوگند دات ءُ نوکیں کابینہ ءِ سنگت آں پہ بلوچ، بلوچستان ءُ بساک ءَ ھرچ وڑیں سکی ءُ سوریانی سَگّگ ءِ سوگند وارت، ءُ وتی کِرداں جوانیں رنگے ءَ پیلو کنگ ءِ مسام کرتگ –