روکپتی بلوچستان ءَ تیرگواری ءَ یک مردمے بیران،زالبولے ءَ ھوار دو کس زدگ

سر بیتگیں ھالانی رد ءَ روکپتی بلوچستان ءِ دمگ ایرانشھر ءَ سلاہ بندیں مردماں تیرگواری کتگ ءُ یک مردمے کشتگ ءُ زالبولے ءَ ھوار دو زدگ کرتگ اَنت –

گیشیں ھالانی رد ءَ وئیل ایرانشھر ءِ ھند کلاتاروان پیش اتکگ کہ اود ءَ تیرگواری ءَ لال بکش ءِ چک ایوب مارندگان بیران ءُ آئی ءِ برات مھمد مارندگان زدگ ءُ آئی ءِ گوھار ھم زدگ بیتگ –

دمگی مردمانی رد ءَ ایوب مارندگان تیرگواری ءَ ھما جاہ ءَ بیران بیتگ ءُ آئی ءِ برات ءَ تیر پاد ءَ وارتگ ءُ زدگ بیتگ ءُ ھمے میان ءَ آئی ءِ گوھار ھم زدگ بیتگ –

زدگ بیتگیں مردم ایرانشھر ءَ نادراہ جاہ ءَ سر کنگ بیتگ اَنت -تیرگواری ءِ سبب زانگ نہ بیتگ ءُ دںگ ءِ انتزامیہ گیشیں پَٹ ءُ پول کنگ ءَ اِنت –

بلوچ کمپئن فعالین ءِ رد ءَ ایرانی سال چاردہ سدہ ءِ بنداتی ءَ داں انیگ ءَ ھشتاد مردم سلاہ بندیں مردمانی تیرگواریاں بیران بیتگ اَنت ءُ دگہ شانزدہ مردم زدگ بیتگ اَنت –