تاج بی بی ءِ ناھکیں کوش ءِ ھلاپ ءَ شال ءَ زھرشانی کنگ بیت اِنت – بلوچ یکجھتی کمیٹی

بلوچ یکجھتی کمیٹی شال ءِ نیمگ ءَ بلوچستان ءِ دمگ کیچ ءَ پاکستانی پوج ءِ تیرگواری ءَ بیران بیتگیں تاج بی بی ءِ کوش ءِ ھلاپ ءَ شال ءِ پریس کلب ءَ زھرشانی کنگ ءِ جار پِرینتگ-

بلوچ یکجھتی کمیٹی ءَ شنگ کرتگیں وتی جار ءِ تہ ءَ گُشتگ کہ تاج بی بی ءِ کھول ءَ انساپ نہ رسگ ءَ شال ءَ زھرشانی کنگ بیت اِنت –

بلوچ یکجھتی کمیٹی ءَ گوشتگ کہ بیست ءُ ھپت ستمبر دوھزار ءُ بیست ءُ یک ءَ بیگاہ ءِ ادارہ چار ءَ شال ءِ پریس کلب ءِ دیم ءَ یک زھرشانی ءِ کنگ بیت اِنت –

بلوچ یکجھتی کمیٹی ءَ سیاسی، چاگردی ءُ دگہ پھناتاں بندوکیں مھلوک ءَ گوں دزبندی کرتگ ءُ گُشتگ کہ آ اے زھرشانی ءَ بھر بہ زور اَنت ءُ تاج بی بی ءِ ناھکیں کوش ءِ ھلاپ ءَ توار چںست بہ کن اَنت –

زانگ بہ بیت بیست ءُ یک ستمبر ءَ بلوچستان ءِ دمگ کیچ ءِ بنجاھی شھر تربت ءَ ناگتی تیرگواری ءَ تاج بی بی بیران بیتگ اَت ءُ آئی ءِ لوگ واجہ زدگ بیتگ اَت-

تاج بی بی ءِ بیران بیگ ءَ پد آئی ءِ کھول ءَ گوشتگ کہ ما ایف سی ءِ چوکی ءِ نزیک ءَ گوزگ ءَ بیتگ اِنت کہ ھمے وھد ءَ ایف سی ءَ تیرگواری کرتگ ءُ چریشی ءَ تاج بی بی بیران ءُ آئی ءِ لوگ واجہ زدگ بیتگ –

تاج بی بی کوش ءِ ھلاپ ءَ چاگردی رسانکجاھاں کمپئن ءُ تربت ءَ زھرشانی بیتگ اَت ءُ بلوچ پھناتاں تاج بی بی ءِ کوش ءِ پژدر ءَ زھر ءِ درشان بیتگ اَنت-