بلوچستان : جتاجتائیں دمگاں ناشناسیں سلاہ بند ءُ پاکستانی پوج ءِ میان ءَ جنگ بوتگ، جانی تاوانانی ھال

بلوچستان ءِ جتاجتائیں دمگ آواران، کیچ ، نوشکی ءَ پاکستانی پوج ءُ سلاہ بندانی میان ءَ جنگ ءُ چوپ بوتگ جانی تاوانانی ھال –

سربوتگیں ھالانی رِد ءَ آواران ءِ دمگ پیراندر کنھرہ ءِ ھند ءَ پیسر ءَ چہ سنگر گپتگیں ناشناسیں سلاہ بندیں مردماں پاکستانی پوج ءِ کاروان ءِ سر ءَ اُرش کتگ –

دمگی اھوالکارانی رِد ءَ اے کاروان ءِ تہ ءَ چار گاڑی ءُ چار پرپٹ ھوار بوتگ اَنت اے اُرش ءِ نشانگ ءَ اَتکگ اَنت ءُ اُرش ءِ آسر ءَ یک گاڑی یے چپی بوتگ –

ھالانی رِد ءَ اے اُرش ءَ پاکستانی پوج ءَ جانی تاوانانی دیمپان چست کنگ کپتگ ءُ دنگیت ءَ انتزامیہ ءُ پوج ءِ نیمگ ءَ اے جنگ ءُ چوپ ءِ درگت ءَ ھال دیم نیتکگ-

دومی نیمگ ءَ ضلع کیچ ءَ ھم ھال سربوگ ءَ اِنت کہ ھوشاپ ءِ دمگ شیشانی ڈیم سر ءَ ھستیں پوج چوکی ءِ سر ءَ ناشناسیں سلاہ بندیں مردماں اُرش کتگ-

ھمے وڑ بلوچستان ءِ ضلع نوشکی ءُ ھاران ءِ کوھی دمگاں پاکستانی پوج ، ڈیتھ اسکواڈ ءُ سلاہ بندانی میان ءَ جنگ چوپ بوتگ-

ٹی بی پی ءِ اھوالکار ءِ رِد ءَ کوھی دمگ بڈو نالہ ءِ ھوار سوماری ، سینکری ، کورکی ، سیاہ لوپ ءِ ھنداں پاکستانی پوج ءَ ڈیتھ اسکواڈ کارندھانی ھمراھی ءَ انگر ءَ کتگ ءُ وھدے کہ سے ھنداں سلاہ بندانی جنگ ءُ چوپانی ھم ھال اِنت-

بنشون ءَ دنیگت ءَ اے ھال دیم نیاورتگ وھدے کہ اے جنگ ءُ چوپ ءَ دوئیں نیمگاں جانی تاوانانی گمان اِنت-

زانگ بہ بیت اے ھند ءُ دمگاں اشی ءَ چہ ساری ھم پاکستانی پوج ءُ آئی ءِ چیردستی ءَ کارکنوکیں ڈیتھ اسکواڈ ءِ کارندھاں بلوچ سلاہ بندیں آجوئی لوٹوکانی سر ءَ اُرش کتگ –

بلے تنی وھدے اے بوتگیں اُرشانی زمہ واری ھچ ءَ گل نہ زرتگ اَنت –