اوگانستان: کابل ءَ زالبولاں زھرشانی، پاکستان ءِ ھلاپ ءَ اوگام اش جتگ

اوگانستان ءِ بنجاھی شھر کابل ءَ زالبولانی نیمگ ءَ زھرشانی کنگ بیتگ – پد ءَ تالبان ءِ لشکر ءِ تیرگواری ءَ زھرشانی شنگ ءُ شانگ بیتگ-

اگان ءَ سر بیتگیں ھالامی رد ءَ اوگان ءِ بنجاھی شھف کابل ءَ پاکستانی سپارت ھانہ ءِ فیم ءَ زالبولاں وتی ھکانی واستا زھرشانی کرتگ – زھرشانی کنوکاں آجوئی ءِ اوگام جتگ –

زھرشانی ءَ بازیں کچے ءَ زالبول بیتگ اَنت آیانی دستاں بینرز ءُ پاکستان ءِ ھلاپ ءَ اوگام ھم جتگ –

آیاں سرکار ءَ گوں کتگ ءُ گوشتگ کہ زالبولاں ھرچ وڑیں ھک دیگ بہ بیت اِنت-

زھرشانی کنوکانی شنگ ءُ شانگ کنگ ءِ واستا سپارت ھانہ ءِ دیم ءَ ھستیں تالبان ءِ لشکر ءِ کارمندانی نیمگ ءَ برزکائی تیرگواری کنگ بیتگ-

اوگان رسانکدر طلوع ءِ رد ےَ تالبان ءَ لھتے اھوالکار زھرشانی ءِ ھال ءِ شنگ کنگ ءَ داشتگ اَنت ءُ لَٹ ءُ کُٹانی نشانگ کرتگ اَنت ءُ طلوع نیوز ءِ کیمرہ ھم پروشے بیتگ –

زانگ بہ بیت چریشی ءَ پیسر ھرات ءُ مزار شریف ءَ ھم زالبولانی نیمگ ءَ زالبولانی ھکانی ءُ سرکار ءِ تہ ءَ زالبولانی ھوار کنگ ءِ لوٹ کنگ بیتگ اَنت –

زھرشانی کنوکاں وتی زھرشانی ھما وھد ءَ کرتگ کہ تالبان ءَ اے جار جتگ کہ آیانی سرکار سازی نزیک اِنت –