گورک: دگ ءِ وئیل ءَ پنچ مردم بیران

سر بیتگیں ھالانی رد ءَ بلوچستان ءُ سندھ ءِ سیمسری دمگ گورک ءَ دگ ءِ وئیلے ءَ پنچ مردم بیران بیتگ اَنت –

گیشیں ھالانی رد ءَ وئیل گورک ھل اسٹیشن ءِ نزیک ءَ پیش اتکگ کہ اود ءَ ویگو گاڑی ءِ چپ بیتگ ءُ چریشی ءَ پنچ مردم ھما جاہ ءَ بیران بیتگ اَنت –

بیران مردمانی پجار مھمد سلیم اللہ رند، اسلم سیال، واحد بکش کھکرانء ءَ ھوار پنچ مردم بیران بیتگ اَنت، بیران بیتگیں مردمانی سیادی سندھ ءِ دمگ لاڑکانہ ءَ اِنت –

زانگ بہ بیت بلوچستان ءَ چوشیں وئیل یکشل ءَ پیش آیگ ءَ اَنت ءُ اے وڑیں وئیلانی سبب گیشتر گاڑیانی ترند روگ ءُ دگانی پروشت ءُ پروشی ءِ سبب ءَ دیم ءَ آیگ ءَ اَنت –