لچہ: ندر پہ راجی شھید تابش جان(ریھان) بلوچ ءِ نام ءَ
لچہ کار: آبدرھشون
دی بلوچستان پوسٹ
آ پہ جان ءُ دل کہ زور ایت مئے مُراداں ناتوام ءُ پْرشتگیں
جَنگ ءِ دْرچک ءَ جزماں مین ایت گوں شھیدی ھونی تْرمپاں ششتگیں
ڈیھ پھازیں پگر باندات راجی لوٹاں یکّ یکّ ءَ سدّکاں
کنت پیلّو ، گوں امیتاں روک کنتیں ھر چراگ ءَ کُشتگیں
گلزمین ءِ دوستی ءَ پہ سُھریں تیراں سرمچاریں کُنگرے
کنت وشّاتک ، دنت بوسہ بیرک ءَ ءُ وارت اِش جان ءَ مُشتگیں
آ کہ زانت ءُ زانش ءَ گوں ساہ دنت ءُ بیت نمیران دپتر ءَ
کنت رُژنا سرزمین ءَ گوں وتی ھر جُھد ءُ کِرد ءَ اِشتگیں
مئے کلم داں ساہ کشّ ایت مئے سر ءَ داں ساہ رھشؔون روت ءُ کیت
پہ بلوچاں ، سرمچاراں ، پہ شھیداں مئے اے گال اَنت گُشتگیں