بلوچ آجوئی لوٹوکیں سلاہ بندیں گل بلوچ ریپبلکن آرمی ءِ جارکش بیبگر بلوچ ءَ رسانکدراں وتی شنگ کرتگیں درشان ءِ تہ ءَ گوشتگ کہ گوستگیں روچاں پنجگور ءِ دمگ ھدابادان ءِ کوھی ھنداں کُشگ بوتگیں سغیر احمد ءِ کوش ءِ وئیل ءَ سِلاہ بندیں گلاں گوں ھچ سیادی نیست-
جارکش ءَ گُشتگ کہ آئی ءِ کھول ءَ بید ءِ پَٹ ءُ پول ءُ گواہ ءَ سگیر ءِ کوش ءِ وئیل سلاہ بندیں گلانی سر ءَ مُشگ ءِ جھد کتگ مارا بازیں وھدے بیت کہ ما گندگ ءَ ایں کہ ریاستی ادارہ دَمگانی تہ ءَ مھتبر ءُ بئیپاری ئیں مھلوک ءَ وتی داشتگیں چریکانی پارست ءَ کوشارینگ ءَ اَنت ءُ آھانی بھتام ءَ بلوچ سلاہ بندیں گلانی سرا مُشگ ءِ جھد ءَ کنگ ءَ اَنت-
بیبگر بلوچ ءَ گُشتگ دانکہ ھمے کھول ریاست ءِ گشگ ءِ پد ءَ راجی جنز ءِ بگیری ءَ سلاہ بند بہ بنت اَنچوش کہ مارا سرپدی رَس اتگ کہ سغیر احمد ءِ کوش ءَ آئی ءِ جند ءِ سنگت ءُ ریاستی کشندہ ٹولی ءِ باسک سعود ءِ دست مان اِنت ءُ سعود ایم آئی ءِ گوشگ ءِ پد ءَ اے کار ءَ کنگ ءَ اِنت-
جارکش ءَ گوشتگ کہ ما سغیر احمد ءِ کھول ءَ باور کنائینیں کہ آ سغیر ءِ کشندھاں ریاستی بنجلاں بہ شوھاز بہ کن انت –