ستاشانی لچہ: ندر پہ مجید برگیڈ ءِ پدائی شھید سربلند اُمر بلوچ ءِ نام ءَ
ھسن برجان
دی بلوچستان پوسٹ
ھون گواراں لداں آس گرنداں وتن
سر کتگ برز تئی سر بلنداں وتن
ما زمین چار اِتگ بس وتن جیڑ اِتگ
بچ مجیدیں ھمک پگر برگیڈ اِتگ
سوتکگ اَنت لشکر ءَ کاپر ءُ کل مئے
تبدے ءَ گوں شت اَنت کرومگیں پل مئے
میتگ ئے مردمے مئے گدانے زمین
رندپداں رمب اِتگ کاروانے زمین
زرد گیروشگیں شِیکّاں کوچنڈ اِتگ
گلزمین ءَ گُشئے مرچی بچکند اِتگ
سدکاں آجوئی باور ءُ اوست تئی
مھروانیں سپر سنگت ءُ دوست تئی
تو چراگیں دلاں رژن آتار اِتگ
مکھیں ماتی ءِ بزگی مار اِتگ
جنگ داں آجوئی ءِ تو پیگام دات
تو وتی زندگی ءِ گھیں وام دات
وشبواں میتگ ءِ دمک ءُ در مینتگ اَنت
سیہ تھاریں شپاں شھم شنیگینتگ اَنت
زلم زوراکیاں کرتگ دل ریش تئی
مھر ماتیں وتن ھر کدم گیش تئی
زندگاں داں تئی سیمسراں پانگ اَنت
بچ دردانگیں ھاک ءِ دیوانگ اَنت
ھون لھڑیں دل ءِ رگ ءَ رگ ءَ جوش دنت
دمک ءَ دمک ءَ ھمک دژمن ءَ پروش دنت