شال: نواب اکبر بگٹی ءِ پانزدھمی سالروچ ءِ درگت ءَ این ڈی پی ءِ نیمگ ءَ یاتگیری نیاد

نیشنل ڈیموکریٹک پاٹی ءِ چیردستی ءَ بیست ءُ ھشت اگست ءَ نواب اکبر ھان بگٹی ءِ ستاشانی ءِ پیش کنگ ءَ شال پریس کلب ءَ یک یاتگیری دیوان ءِ برجم داشتگ کہ چریشی ءِ سروکی پاٹی ءِ ڈپٹی ارگنائزر رشید کریم بلوچ ءَ کتگ، ھمے وڑ پاٹی ءِ سینٹرل کمیٹی ءِ باسک گنی بلوچ ءَ تلو ءِ سیکرٹری ءِ کار سرجم کتگ –

یاتگیری نیاد ءَ پروفیسر ڈاکٹر منظور بلوچ، ڈاکٹر دین مھمد بزدار، پشتون سیاسی رھشون افراسیاب خٹک، بلوچ بار کونسل ءِ کامریڈ رسول بکش ءَ تران کرتگ –

یاتگیری نیاد ءِ بندات ءَ نواب اکبر ھان بگٹی ءَ ھوار ھزاراں شھیدانی یات ءَ دو دمان ءِ بے تواری ءَ پد ءُ کماشیں بلوچ رھشون سردار عطاء اللہ مینگل ءِ جانسلامتی ءِ واستا دوا لوٹ اِتگ –

نواب اکبر ھان بگٹی ءِ سیاسی زندگی ءِ سر ءَ یک ڈاکومینٹری ءِ پیش کنگ بیتگ –

نیاد ءَ تران کنان ءَ بلوچ بار کونسل ءِ کامریڈ رسول بکش ءَ گُشتگ کہ بگٹی ءِ شھیدی ءِ روچ بلوچ راجدپتر ءَ یک سیاھیں روچے ءِ بستار کم نہ اِنت –

آئی ءَ ریاست ءَ گوں دزبندی کرتگ کہ نواب اکبر ھان بگٹی ءِ کوشکار انٹرپول ءِ زور ءَ آرگ بہ بنت پاھو ءَ درنجگ بہ بنت –

ڈاکٹر دین مھمد بزدار ءَ گُشتگ نواب اکبر ھان بگٹی سیاسی زندگی ءِ سر ءَ جتا جتائیں تکاں گپ ءُ تران بیتگ اَنت –

آئی ءَ تران کنان ءَ گُشتگ کہ راستی ءِ سر ءَ زندگ بیت کن ایں راستی مئے زندگی ءِ کڑی اِنت ھمود ءَ مارا ساہ رسگ ءَ اِنت –

آئی ءَ گُشتگ کہ نواب اکبر ھان بگٹی ءَ نیب ءَ نزیکی ءُ پد ءَ زولفقار بھٹو ءِ نزیکیں ھمراھی ءِ سپر ءِ سر ءَ ھم چمشانک داتگ –

آئی ءَ گُشتگ کہ نواب بگٹی ھما دھشد بیتگ کہ چریشی ءَ بلوچ ملکت گوادر دوبر بھا زرتگ ءُ بلوچستان ءَ ھوار کتگ –

آئی ءَ گُشتگ کہ نواب اکبر ھان بگٹی بازیں براں وھداں واکاں اتک بلے راستی ءِ زانگ ءَ پد شمارا سرپدی بیت اِنت اکبر ھان ءَ ھچبر وتی واستا دولت مُچ نہ کتگ بلکیں آئی ءَ یک شریں کار کتگ اَنت چریشی ءَ بلوچی، براھوئی ءُ پشتو ءَ را بنکی وانگ ءَ ھوار کنگی بیتگ، وھدیکہ مشرف ءِ دور ءَ میگا پروجیکٹسانی کار بندات بیتگ اَنت گڑا گوادر ءَ کراچی ءِ رنگ ءَ دیمروئی داتگ آباد کنگ بنت اے وھد ءَ نواب ءِ بنگپ بیتگ اے دیمروئی ءِ پشت ءَ کچ ءُ کساس یک کروڑے ءَ داں آبادکاری ءَ بلوچ ءِ بستار چی بیت اِنت، بلوچ ترس ءِ آماچ بیت اِنت آئی ءِ پجار گار بیت اِنت –

نواب ساب نا ایوک ءَ وتی واستا گھگیری کتگ بلکیں آئی ءَ گپ ءُ تران ءِ در ھم پچ کتگ اَنت، وتی گڈی وھد ءَ داں ریاست ءِ واستا گپ ءُ تران ءَ ساجو بیتگ بلے ھمے وھد ءَ بنداتی ءَ آئی ءِ سر ءَ اُرش بیتگ گڑا سدکی بیتگ اَت نِی ریاست آئی ءَ گپ کنگ ءَ ابید آئی ءِ کُشگ ءِ ارادہ ءَ دارگ اِنت چریشی ءَ پد آئی ءَ کوہ وتی پناہگاہ جوڑ کتگ اَنت –

پشتون رھشون افرسیاب خٹک ءَ وتی تران ءِ تہ ءَ شھید نواب اکبر بگٹی ءَ را ستاشنانی پیش کتگ ءُ گُشتگ کہ نواب اکبر بگٹی شھید ءِ شھیدی ءِ وھد ءَ پشتون راج ءَ ھوار جمھوریت ءِ سر ءَ ستک داروکیں برابری ءَ شریک اَنت من ءَ اے شرپ رس اِتگ کہ نیب ءُ بلوچ راجدوست ءَ دیمروئی ءِ واستا ھوار بیتگ ءُ جد ءُ جھد ءَ زندانی ھم بیتگ –

اکبر ھان بگٹی ءِ گند ءُ نند ءِ وھد زند ءِ گڈی ساھتاں رس اِتگ ھمے وڑ اشی ءَ پیسر نواب ھیر بکش مری، میر گوس بکش بزنجو، سردار عطاء اللہ مینگل ءَ نزیک ءَ زاناں بلے زند ءِ گڈی روچاں عاصمہ جھانگیر ءِ گون ءَ انسانی ھکانی کمیشن ءِ واستا کار کنگ ءَ من ءَ نواب اکبر ھان بگٹی ءِ گون ءَ گپ کنگ ءِ وھد رس اِتگ –

آئی ءَ گُشتگ کہ نواب اکبر ھان بگٹی ءَ بلوچستان ءِ ھکاں چہ دزکشگ ءِ نا امیت نہ بیتگ چریشی ءَ آ شھید کنگ بیتگ، بلوچستان ءِ جیڑہ مروچی ھم داں سیاسی رنگاں گیشنگ ءِ کوشست نہ بیتگ – ھمے وڑ ءَ نواب اکبر ھان بگٹی ءَ مھلوک ءِ ھک ءِ واستا جد ءُ جھد کتگ ءُ وتی جان ببا داتگ مارا ھم لوٹ ایت کہ ما آئی ءِ رند پداں بہ رویں کجام ھم دیمونیان وت ءَ بے بھر مہ کن ایں –

پروفیسر منظور بلوچ ءَ گُشتگ اَت کہ مروچی ما یک ھنچیں وھدے ءِ سر ءَ گپ کنگ ءَ ایں دانکہ بلوچستان ءِ یک مزن نامیں سرے بلوچستان ءِ مسکیں سرڈگار ءِ سر ءَ تالان بیتگ آ یک مزنیں بامردے بیتگ منی وڑیں ناچیز آئی ءِ سر ءَ گپ کت نہ کنت آ مزن نامیں سر آ مزن نامیں بامرد ءَ اے یاگی ءِ جان ءِ ستاشانی ءِ واستا چوشیں گپے بہ گوش آں آ چونیں مزن نامیں سرے بیتگ آئی ءِ سر ءَ نبشتگ کنگ ءَ ٹالسٹائی کلم لوٹ ایت یا گپ کنگ ءِ واستا شیرزاد ءِ وڑیں داستان لوٹ ایت یا شائری ءِ دردشان کنگ ءَ میر انیس ءِ وڑیں شائر لوٹ ایت یا یک منٹوئے ءِ زلورت اِنت –

آئی ءَ گُشتگ کہ وھدیکہ نواب ساب شھید کنگ بیتگ گڑا آ پیتی ءِ تہ ءَ کبل جنگ ءُ بند کنگ بیتگ گڑا اے ھما تاکت ءِ کمزوری ءِ نشانی اِنت کہ یک لاشے ءَ ھم ترس ایت مروچی مشرف سَپٹک سَپٹک جنگ ءُ مرگ اِنت آئی ءَ کس نزانت بلے مروچی شھید نواب اکبر ھان بگٹی یک پرشانیں رنگے ءَ بلکیں آئی ءَ گیش پرشانی ءَ یک نوکیں زندگی ءَ کنگ ءَ اِنت آئی ءِ لوٹوک بے کساس اَنت ءُ مھر کنوک بے کساس اَنت پھر ءُ شان کنوک بے کساس اَنت مروچی نواب اکبر بگٹی نمیران بیتگ ھم زندگ اِنت ءُ مشرف زندگ اِنت بکے مرگ ءِ دیمپان اِنت –

نیشنل ڈیموکریٹک پاٹی ءِ بنجاھی ڈپٹی آرگنائزر رشید کریم ءَ تران کنان ءَ گُشتگ اَت کہ نواب اکبر ھان بگٹی ءَ بلوچستان ءِ سائل وسائلانی پھریزگ ءِ اوگام جنان کتگ یک سالے ءَ داں بازیں براں بنجاھی سرکاری واکاں گوں گپ ءُ تران کتگ اَنت بے سوب بیتگ چریشی ءَ پد آئی ءَ گھگیری ءِ راہ پہ وت ءَ گچین کتگ ءُ کوھاں شتگ ءُ پد ءَ دوبر واتر نہ بیتگ، نواب اکبر ھان بگٹی ءَ گشتگ اَت کہ آ ساھل ءُ وسائلانی ھکانی ھاکمی ءَ یلو بہ کنت درست شر بنت –

آئی ءَ گُشتگ اَت نواب اکبر بگٹی ءَ تچگ ءِ راہ گچینگ نہ کتگ بلکیں وتی بنکی لوٹاں پشت کنز نہ بیتگ –

راجدپتر ءَ ھشتاد سالی ئیں کجام ھم مردمے گھگیری بہ بیت –

آئی ءَ گُشتگ کہ نواب اکبر ھان بگٹی ءَ ھچبر وتی زانت، پجار ءِ سر ءَ وت ءَ دور نہ داتگ آئی ءَ بلوچ ورنایاں اے کلوہ داتگ کہ آئی ءِ رندپداں روان بہ کن اَنت ءُ وتی راج ءِ گڈی منزل ءِ واستا جد ءُ جھد بہ کن اَنت –