زیارت:لیویز کارمندانی سر ءَ بمب اُرش، سَے کارمند بیران، سَے زدگ

بلوچستان ءِ دمگ زیارت ءَ لیویز گاڑی ءِ سر ءَ بمب اُرش، اُرش ءَ سَے کارمند بیران ءُ سَے زدگ بیتگ اَنت –

لیویز ءِ گاڑی زیارت ءِ ھند ھرنائی ءَ منگی ڈیم ءَ نشانگ کنگ بیتگ، زدگ بیتگیں مردمانی جاور نگیگ گوشگ بیگ ءَ اَنت –

لیویز ءِ انتزامیہ ءِ رد ءَ ھال ءِ سر بیگ ءَ سلاہ بندجں مردماں منگی ڈیم ءِ چار مزدور آوار جتگ ءُ برتگ اَنت وھدیکہ پورسز سر بیتگ گڑا ھمے وھد ءَ بمب ءِ نشانگ کنگ بیتگ –

بیران بیتگیں کارمندانی تہ ءَ رسالدار میجر زمان، نائب رسالدار مدثر ءُ سپاھی زین ھوار اَنت، بیران ءُ زدگ بیتگیں کارمند چست کنگ ءُ شال ءَ برگ بیتگ اَنت-