بلوچستان ءَ بیتگیں وئیلاں یک مردمے بیران ءُ یکے زدگ

وئیل بلوچستان ءِ بنجاھی شھر شال ءُ پنجگور ءَ دیم ءَ اتکگ اَنت، شال ءَ کاریزکارے کُشگ بیتگ ءُ پنجگور ناشناساں تیرگواری کرتگ ءُ یک مردمے زدگ کرتگ-

گیشیں ھالانی رد ءَ بلوچستان ءِ بنجاھی شھر شال ءِ دمگ کلی خلی ءَ کاریزکار ءِ لاش دزکپتگ –

ھالانی تہ ءَ گُشگ بیتگ کہ دزکپتگیں لاش کُشگ بیتگ ءُ چگل دیگ بیتگ -کوش ءِ سبب تنی وھدی زانگ نہ بیتگ –

زانگ بہ بیت ھمے ھپتگ ءِ تہ ءَ ھم کاریزکار ناشناسیں مردماں نشانگ کتگ ءُ کشتگ اِت اَنت –

کُشتگیں کاریزکارانی باور ءَ پولیس ءَ گُشتگ اَت کُشگ بیتگیں مردمانی کُشندھانی درگیجگ بندات کنگ بیتگ اَنت –

ھمے وڑ پنجگور ءَ ناشناسیں مردمانی تیرگواری ءَ یک مردمے زدگ بیتگ –

ھالانی تہ ءَ گوشگ بیتگ کہ پنجگور ءِ دمگ چتکان ءَ سی پیک دگ ءِ سر ءَ ڈُنگاں راہ بستگ ءُ یک پرپٹے داشتگ ءُ پرپٹ سوار زدگ کرتگ –

زدگ بیتگیں پرپٹ سوار ءِ پجار فوٹوگرافر حفیظ بلوچ ءِ نام ءَ زانگ بیتگ ءُ آئی ءِ پَرپٹ برگ بیتگ –