گوادر:چائنہ ٹرالرنگ ءِ ھلاپ ءَ دریا ورداں پرپٹ روانک، روانک آل پارٹیز ءِ نندانک ءَ سر بیتگ

بلوچستان ءِ تیابدپی شھر گوادر بازیں روچاں دریاورد ءُ دگہ تکاں بندوکیں مردمانی زھرشانی برجاہ اَنت –

زھرشانی گوادر ءَ بجلی، آپ ءُ زر ءَ لَٹ ءُ پلوکیں ماھیگانی نسل کشی ءِ ھلاپ ءَ بیگ ءَ اَنت ءُ آیانی گوشگ اِنت گوادر ءَ دری مزنیں ٹرالرنگ بیگ ءَ اَنت ءُ چریشی ءَ بازیں کچے ءَ مھلوک ءِ روزگار الگار بیگ ءَ اَنت –

ھمے وڑ مروچی گوادر ءَ چائینز ٹرالرز ءُ سندھ ٹرالرز ءِ گیر کانونی ءَ بلوچ زر ءَ آیگ ءُ اود ءَ ماھیگانی نسل ءِ کُشی ءِ ھلاپ ءَ پرپٹ روانک کش اِتگ –

روانک گوادر ءِ شھر ءَ بازیں پَرپٹانی ھواری ءَ در اتکگ ءُ دیم پہ سربندن ءَ دو روچاں برجاھیں نندانک ءَ شتگ –

زانگ بہ بیت گوستگیں روچ ءَ گوادر ءَ ھواریں دمگ سربندن ءَ آل پارٹیز ءِ نیمگ ءَ بجلی، آپ ءُ زر ءَ گیرکانونی ٹرالرنگ ءِ ھلاپ ءَ نندانک برجاہ اِنت –

دومی نیمگ ءَ گوستگیں روچ ءَ چہ سرکاری واک یکشل ءَ زھرشانی کنوکانی گور ءَ گپ ءُ تران ءَ روگ ءَ اَنت بلے تنی وھدی آیانی لوٹ سرجم نہ بیتگ اَنت چریشی ءَ زھرشانی کنوکاں نندانک تنی وھدی ھلاس نہ کرتگ-

زھرشانی کنوکانی گوشگ اِنت اے نندانک ھما وھد ءَ برجاہ بیت اِنت تانکہ لوٹ سرجم نہ بنت ءُ اے نندانک ءِ سروکی ءَ جماعت اسلامی سیکرٹری مولانا ھدایت رحمان کنگ ءَ اِنت –

دگ ءِ بندی ءَ ھردوکیں نیمگاں روانی مھتل اَنت ءُ رؤ آیوکیں مساپراں جنجالانی دیمپانی اِنت –