بولان ءُ ھرنائی ءَ پوج ءِ سر ءَ بوتگیں اُرشانی زمّہ واری بی ایل اے ءَ منّ اِتگ انت

خون گٹ ءُ زرد آلو ءَ پاکستانی پوج ءِ گوم ءَ میڑ ءُ پانگس ءِ سر ءَ اُرش ءَ زورگیریں پوج ءَ جانی ءُ مالی تاوان داتگ – جئیند بلوچ

بلوچ آجوئی لوٹوکیں سلاہ بندیں گل بلوچ لبریشن آرمی ءِ جارکش جئیند بلوچ ءَ رسانکدراں وتی شنگ کرتگیں درشان ءِ تہ ءَ ھرنائی ءُ بولان ءَ پاکستانی پوج ءِ سر ءَ بوتگیں اُرشانی زمّہ واری منّ اِتگ گوشتگ کہ گوستگیں روچ ءَ بولان ءِ دمگ خون گٹ ءَ مئے سرمچارانی گوں پاکستانی پوج ءُ لس پوشاکیں کارمندانی میڑ بوتگ چریشی ءَ دژمن پوج ءُ آئی دمگی کمک کاراں تاوان دیمپانی بوتگ –

جارکش ءَ دیمتر ءَ گوشتگ کہ مئے سرمچاراں گوستگیں روچ ءَ ھرنائی زرد آلو ءَ زورگیریں پاکستانی پوج ءِ پانگس ءِ سر ءَ راکٹ ءُ دگہ مزنیں سلاھانی گوم ءَ اُرش کتگ، چریشی ءَ دژمن پوج ءَ جانی ءُ مالی تاوان رستگ –

گڈسر ءَ جارکش ءَ گوشتگ کہ بی ایل اے ءِ اُرش دژمن پوج ءِ سر ءَ برجاہ مان انت –