اوگانستان ءَ جمھوریت نہ بیت ڈیھ ءَ یک ھاکمیں کونسلے دارگ بیت

برطانوی خبر رساں ایجنسی روئٹرز ءِ رد ءَ تالبان ءِ یک کلانیں باسک وحید اللہ ھاشمی ءَ گُشتگ سرکاری نزام یک کونسلے ءِ سر ءَ بیت کُت کنت –

آئی ءَ گُشتگ کہ ھمے وڑ تالبان ءِ سپریم لیڈر ھبت اللہ اخوندزدہ سروک بیت اِنت –

آئی ءَ یک گلگدارے ءَ گُشتگ تالبان وتی سرپانی تہ ءَ ھوار بیگ ءَ اوگان پائلٹ ءُ سلاہ بندیں سپاھیاں ھم رھوت کنت –

وھید اللہ ھاشمی ءَ گُشتگ کہ واک ءِ بنھشت ھما رنگ ءَ پیش کنگ بیتگ آ تالبان ءِ نوزدہ سد ءُ نود ءُ شش ءَ دو ھزار ءُ یک ءِ رھبندانی گوں نزیک بیت اِنت –

آئی ءَ گُشتگ آ وھد ءَ سپریم لیڈر ملا عمر ھم چیر بیتگ ءُ آئی ءَ سرکاری یک کونسلے ءِ میار کرتگ اَنت –

آئی ءَ گشتگ کہ ھبت اللہ اخواندزادہ بیت کنت کونسل ءِ سروک ءَ برز یک کردے پیلو بہ کنت ھما رنگ ءَ ڈیھ ءِ سروک بیت اِنت آئی ءَ گُشتگ کہ بیت کنت سروک ءِ کرد ءَ ھبت اللہ اخواندزادہ ءِ کسان کمک سرکماش بہ کنت –

وھید اللہ ھاشمی ءَ گُشتگ کہ تالبان اوگانستان ءَ کجام رنگ ءَ دیم ءَ برت کنت انگت ءَ اے جیڑہ دیم ءَ نیتکگ اَنت بلے اوگانستان ءَ جمھوریت نہ بیت اِنت ٹ

آئی ءَ گُشتگ کہ اد ءَ ھچ رنگیں جمھوری نزام نہ بیت اِنت پرچا کہ اد ءَ جمھوری نزام ءِ بنیاد نیست اِنت ءُ ما اشی ءِ سر ءَ باوست نہ کن ایں کہ اوگانستان ءَ کجام رنگیں سیاست بیت اِنت اے راستی ءِ اے شریعتی کانونے –

ھاشمی ءَ گُشتگ کہ آ تالبان ءِ کیادت ءَ ھما نیاد ءَ گوں ھوار بیت اِنت چراھی ءِ گڈسر ءَ گورننس ءِ جیڑھانی سر ءَ گپ بیتگ –

آئی ءَ گُشتگ کہ اوگانستان ءِ سرکار ءِ واستا جنگ کنوکیں پوجی ءُ پائلٹاں بھر زورگ ءِ بارو ءَ آئی ءَ گُشتگ کہ تالبان یک نوکیں پوجے جوڑ کنت ءُ وتی باسکانی ھوار ھوار سرکاری پوجی ھم ھوار بیت کُت کن اَنت –

زانگ بہ بیت گوستگیں روچ ءَ کابل ءِ شھر جلال آباد ءَ تالبان ءُ شھریانی میان ءَ یک وئیلے پیش اتکگ اَت –

کہ اود ءَ تالبان ءُ شھریاں ھما وھد ءَ جنگ ءُ چوپ کرتگ کہ تالبان ءَ اوگان ءِ بیرک دور کرتگ ءُ وتی بیرک امارات اسلامی ءِ بیرک مِک کنگ ءِ سر ءَ شھریاں زھرشانی کرتگ ءُ چریشی ءَ تالبان ءَ تیرگواری کرتگ ءُ سَے شھری بیران ءُ بیست ءُ شش زدگ بیتگ اَنت –