تالبان ءَ سدکی راہ ءِ داتگ، امریکہ ءَ چہ اوگانستان ءَ 3200 مردم کش اِتگ اَنت

امریکی پوج ءَ چہ اوگانستان ءَ سَے ھزار ءُ دو سد ءَ گیش مردم کش اِتگ اَنت کہ اشانی تہ ءَ سَے شمبے ءِ روچ ءَ کش اِتگیں یازدہ سد مردم ھوار اَنت –

فرانسیسی خبررساں ایجنسی ءَ اے ایف پی ءِ رد ءَ امریکی اگدو دارے ءَ گُشتگ کہ سَے شمبے ءِ روچ ءَ امریکی پوجی جھازاں وتی سیزدہ بالیگاں اوگانستان ءَ کم چہ کن یازدہ سد امریکی شھری امریکہ نوکیں جھمنندی ءُ آیانی کھول کش اِتگ اَنت –

واکدار ءَ گُشتگ کہ وھدیکہ ما درایگ ءِ چِن ءُ لانچ کرتگ گڑا ما نِی اشی ءَ سدکی کن ایں اے کچ گیش بیت اِنت –

آئی ءَ نام پدر نہ کرتگ ءُ گشتگ کہ داں انیگ ءَ سَے ھزار ءُ دو سد مردم کہ اوگانستان ءَ کشگ بیتگ اَنت کہ اشانی تہ ءَ امریکی پوجی ھم ھوار اَنت ءُ کم چہ کم دو ھزار اوگانستان ءِ مردم کہ امریکہ ءَ میار بندی ءَ برگ بیگ ءَ اَنت –

اے ایف پی ءِ رد ءَ وائٹ ھاؤس ءَ گُشگ بیتگ کہ سَے شمبے ءِ روچ ءَ تالبان ءَ اے مسام کرتگ کہ لس شھری کابل ءِ بالی پَٹ ءَ سلامتی ءَ دراتک کن اَنت-

امریکہ ءِ پوج ءَ تالبان ءِ سبب ءَ تتکگیں امریکی ءُ اوگانانی واستا برزی پَٹ ءُ پول گیش کرتگ –

چریشی ءَ پیسر وائٹ ھاوس ءَ گُشگ بیتگ کہ یازدہ ھزار امریکہ شھری اوگانستان ءَ جاڑیگ اَنت کہ اشانی تہ ءَ سفارتکار، کنٹریکٹرز ءُ دگہ ھوار اَنت اشانی تہ ءَ گیش تالبان ءِ گرگ ءَ پد درایگ ءِ ودار ءَ اِنت –

زانگ بہ بیت امریکہ ءَ سِی ءُ یک اگست ءَ پیسر سرجمیں شھری چہ اوگانستان ءَ کشگ بنت اِنت-