پنجگور ءَ دو جتا جتائیں جاھاں سَے مردم آوار جنگ ءَ پد بیگواہ کنگ بیتگ اَنت

پنجگور ءَ دو جتاجتائیں جاھاں پاکستانی پوج ءَ ڈیتھ اسکواڈ ءِ دست ءَ سے مردم آوار جنگ ءَ پد بیگواہ کنگ بوتگ اَنت-

سربوتگیں ھالانی رِد ءَ پاکستانی پوج ءَ پنجگور ءِ دمگ کیلکور سری گڈگی ءَ یک لوگے ءِ سر ءَ بیڑبرتگ ءُ دو مردم آوار جتگ-

پاکستانی پوج دست ءَ آوار جنگ بوتگیں مردمانی پجّار نواز ء عیسیٰ ءُ اللہ بخش ء سخی داد ناماں چہ زانگ بوتگ اَنت ءُ پوج ءَ اللہ بخش پد ءَ یل کتگ ءُ وھدیکہ نواز انگت بیگواہ ءَ اِنت-

دمگی مردمانی رِد ءَ پاکستانی پوج ءَ لشکر کشی ءِ وھد ءَ لوگانی تہ ءَ ساڑی ئیں زھگ ءُ زالبولانی سر ءَ زوراکی کتگ آ لَٹ ءُ کُٹانی نشانگ کتگ اَنت ءُ پوج دست ءَ آوار جنگ بوتگیں ورنا نواز عطاشاد ڈگری کالج تربت ءِ یک نودربرے –

دومی نیمگ ءَ گوستگیں روچ ءَ پنجگور ءِ دمگ وشبود ءَ پاکستانی پوج ءِ چیردستی ءَ جوڑ بوتگیں ٹولی ڈیتھ اسکواڈ ءِ کارندھاں یک مردمے آوار جتگ ءُ گوں وت برتگ آوار جنگ بوتگیں مردم ءِ پجّار فیض ء وحید نام ءَ چہ زانگ بوتگ-