روکپتی بلوچستان ءَ ھورانی گوارگ بندات، مروچی بازیں جاھاں ھور بیتگ اَنت ءُ گیش انگت گمان اِنت

روکپتی بلوچستان ءَ بازیں جاھاں ھوراں گورتگ ءُ بازین جاھاں ملک آپ ءُ سراپ بیتگ اَنت- روکپتی بلوچستان ءَ ھور مروچی بندات بیتگ اَنت ءُ بازیں جاھاں شریں رنگے ءَ رگاماں گورتگ ءُ موسم بدل کرتگ –

روکپتی بلوچستان ءِ دمگ سرباز، راسک، نیک شھر،کسر کند، فنوج، چھبار، دشتیاری، کنارک، ایرانشھر،بمپور، دلگان، سراوان، سیب و سوران، مھرستان ءُ زرباری دمگ تفتان، ھاش ءُ گلشن ءَ ھوراں گورتگ ءُ زمین آپ ءُ سراپ کرتگ اَنت –

مولم شناس ءِ گوشگ اِنت آیوکیں آدینگ ءَ روکپتی بلوچستان ءَ ھورانی گوارگ ءِ گمان ھست اِنت ءُ بیت کنت کہ اے ھور توپانی کُت بہ کن اَنت –

روکپتی بلوچستان ءَ بندوکیں مولم شناس ءَ مھلوک شیوار کرتگ ءُ گوشتگ کہ آ اے روچانی تہ ءَ کور سراں پھریز بہ کن اَنت –