نمیرانیں سلمان ھمل ءِ شئیرانی دپتر شنگ ءُ چاپ بیتگ

بلوچی زبان ءِ نمیرانیں آشوبی شائر سلمان ھمل ءِ شئیرانی اولی دپتر “ھون ء بھار ” چاپ ءُ شنگ بیتگ-

کتاب سبا دشتیاری اکیڈمی وشکوشیں پروم ءِ نیمگ ءَ شنگ ءُ چاپ بیتگ، کتاب ءَ بلوچی زبان ءِ نمیرانیں شائر سلمان ھمل ءِ گرنچ داتگیں لچہ براھداریں رنگے ءَ ھوار اَنت –

کتاب بلوچستان ءِ جتا جتائیں جاھاں کتاب جاھاں پہ وانوکاں دز کپ ایت ءُ کتاب ءَ نمیرانیں سلمان ھمل ءَ بلوچستان ءَ بیوکیں زوراکی لَچھی دروشم ءَ گرنچ داتگ اَنت –

ھالانی تہ ءَ گوشگ بیتگ کہ پہ بلوچی زبان ءِ وانوکاں ٹیکی ءِ مستاگے کہ آئی ءَ وتی ند ءِ زور پہ راستی ءَ شَئیرانی دروشم ءَ دیم ءَ آؤرتگ –

کتاب ءِ سرتاک ءَ بلوچستان ءَ ھواریں زوراکیانی ھون ریچی ءِ رُستگیں پُل مان گیجگ بیتگ اَنت –