زرباری وزیرستان ءَ سلاہ بندیں مردماں ایف سی ءِ بنجل ءِ سرءَ اُرش کُتگ، اُرش ءِ آسر ءَ شش کامند نشانگ بیتگ اَنت کہ اشانی تہءَ سَے مرتگ ءُ دگہ سَے ٹپیگ بیتگ اَنت۔
اُرش زرباری وزیرستان ءِ ھنکین تیارزہ ءِ ھند خیسورہ فقیرہ ءَ کنگ بیتگ۔
اُرش ءِ تہءَ کُشگ بیتگیں کارمندانی پجار نائیک علی زار بیٹنی، لانس نائیک عاصم ءُ سپاہی بابر مہمند ءِ ناماں چہ بیتگ وھدیکہ ٹپیگانی تہءَ سپاھیگ حضرت حسین، سپاھیگ سردار شاہ کنڈی اور سپاھیگ عمران ھوار اَنت۔
اُرش ءِ زمہ واری نیکراھی سلاہ بندیں گل تحریک طالبان پاکستان ءَ من اِتگ۔ ٹی ٹی پی ءِ جارکش مھمد خراسانی ءَ وتی شنگ کُتگیں درشان ءِ تہءَ گُشتگ کہ مجاھداں شریعت دژمنیں پاکستانی پوج ءِ سرءَ اُرش کُتگ کہ اِشی سوب ءَ شش پوجی مرتگ اَنت ءُ دو ٹپی بیتگ اَنت ءُ مئے درستیں جنگول سلامت اَنت۔