یوئیفا یورو کپ فٹبال گوازی برجاہ ھشت ٹیم شانزدھمی راؤنڈ ءَ سر بیتگ اَنت

سر بیتگیں ھالانی رد ءَ فُٹبال گوازی برجاہ اِنت تنی وھدی بیست ءُ چار ٹیمانی تہ ءَ یوئیفا یورو کپ ءِ بیست ءُ چار ٹیمانی تہ ءَ ھشت ٹیماں تنی وھدی وت ءَ شانزدھمی راؤنڈ ءِ تہ ءَ جاگہ داتگ ویلس،ڈینمارک، اٹلی، آسٹریا، نیدرلینڈ، بیلجئیم، کروتیا، انگلینڈ ءَ باج برتگ ءُ وت ءَ شانزدھمی راؤنڈ ءِ تہ ءَ جاہ داتگ –

یوئیفا یورو کپ فٹبال گوازی برجاہ دوشی شپ کروتیا ءُ اسکاٹ لینڈ، چیک ریپبلک ءُ انگلینڈ ءِ میان ءَ گوازی کنگ بوتگ –

دوشیگیں گوازی ءَ کروتیا ءَ اسکاٹ لینڈ ءِ دیم ءَ سَے گول، انگلینڈ ءَ چیک ریپبلک ءِ دیم ءَ یک گولے ءَ باج برتگ ءُ گوازی وتی نام ءَ کتگ –

یوئیفا یورو کپ ءِ سیمی گروپ ءِ ھپتمی گوازی کروتیا ءُ اسکاٹ لینڈ ءِ میان ءَ بوتگ کہ اسکاٹ لینڈ ءَ یک گول ءِ داتگ وھدیکہ کروتیا ءَ سےَ گول داتگ ءُ باج برتگ، اسکاٹ لینڈ ءِ لیبی کونور ءَ یک گولے اسکور کتگ ءُ کروتیا ءِ نیمگ ءَ نیکولا، لوکا مودرک، ایوان ءَ یک یک گولے اسکور کتگ باج برتگ ءُ گوازی وتی نام ءَ کتگ –

ھشتمی گوازی انگلینڈ ءُ چیک ریپبلک ءِ میان ءَ بوتگ چیک ریپبلک نیمگ ءَ چہ ھچ گول اسکور کنگ نہ بوتگ وھدیکہ انگلینڈ ءِ لیبی رھیم ءَ یک گول ءِ اسکور کتگ گوازی وتی نام ءَ کتگ –

یورو کپ ءِ دیم ءِ گوازی سویڈن ءُ پولینڈ، سلوکی ءَ ءُ اسپین، پرتگال ءُ پرانس، جرمنی ءُ ھنگری ءِ میان ءَ جتا جتائیں پٹاں بوگی اِنت –