شال ءَ پاکستانی پوج ءِ سر ءَ اُرش، اُرشے زمّہ واری بی ایل اے ءَ منّ اِتگ

شال ءَ زورگیریں پاکستانی پوج ءِ کاروان تراکناکیں شوروانی نشانگ کتگ، دو کارمند مرتگ ءُ سَے زدگ بوتگ اَنت – جئیند بلوچ

سربوتگیں ھالانی رِد ءَ ناشناسیں مردماں بلوچستان ءِ بنجاھی شھر شال ءَ سبزل دگ ءِ سر ءَ پاکستانی پوج ءِ کاروان تراکناکیں شوروانی نشانگ جوڑ کتگ، تراک ءَ پاکستانی پوج ءَ جانی ءُ مالی تاوان رس اتگ –
دومی نیمگ ءَ بلوچ آجوئی لوٹوکیں سلاہ بندیں گل بلوچ لبریشن آرمی ءِ جارکش جئیند بلوچ ءَ رسانکدراں وتی شنگ کرتگیں درشان ءِ تہ ءَ اے تراک ءِ زمّہ واری من اِتگ ءُ گوشتگ کہ مئے سرمچاراں شال ءَ زورگیریں پوج ءِ گاڑی ءُ پرپٹانی سواریں کارمندانی کاروان چیرکتگیں تراک ناکیں شوروانی نشانگ کتگ –

جارکش ءَ گوشتگ کہ زورگیریں پوج ءِ کارندھانی سر ءَ اُرش سبزل دگ ءَ تراکناکیں شورو چیر کتگ اَنت ءُ کہ زورگیریں پوج ءِ یک گاڑی ءُ یک پرپٹے شوروانی زد ءَ اتکگ تراک ءِ آسر ءَ دو کارمند ھما دمان ءَ مرتگ ءُ سَے زدگ بوتگ اَنت وھدیکہ گاڑی ءُ پرپٹ ءَ سک باز تاوان رس اتگ –

جئیند بلوچ ءَ دیمتر ءَ گوشتگ دُژمن ءَ مدامی ئیں وڑ ءَ سرمچارانی اُرش ءَ پد ھمے جاگہ سرجم ءَ بند کتگ ءُ وتی جانی ءُ مالی تاواناں رسانکدراں چیر دیگ ءِ جھد کتگ تانکہ بلوچستان ءَ وتی پروشی ءَ چیر بہ دنت –

جارکش ءَ گوشتگ کہ مئے اُرش بلوچ سرڈگار ءَ چہ زورگیریں پوج ءِ درایگ ءَ تاں تُرندی ءَ گوں برجاہ مان ایت –