شال ءَ بیگواھیں مردمانی ھاتر ءَ زھرشانی برجاہ

مارواڑ ءَ زورانسری آوار جنگ بوتگیں مردم کُشگ بوتگ اَنت بلوچستان ءِ تہ ءَ پاکستان ءِ نیمگ ءَ برجم داشتگیں زوراکیانی سر ءَ میان اُستمانی ادارھانی ھچ نہ گوشگ ایرجنگ اِنت – ماماقدیر

بلوچستان ءِ بنجاھی شھرشال ءَ پریس کلب ءِ دیم ءَ وی بی ایم پی ءِ زھرشانی برجاہ، زھرشانی ءَ مروچی چار ھزار ءُ سَے سد ءُ پنجاہ ءُ یک روچ سرجم بوتگ – نیشنل پاٹی ءِ رھشون شمع اسھاق ءُ دگہ مردماں بنجل ءِ تر ءُ تاب کرتگ ءُ بیگواھیں مردمانی کھولانی گوما دلپدردی درشان اتگ وھدیکہ نوشکی ءَ چہ زورانسری آوار جنگ بوتگیں ورنا نصیب اللہ بادینی ءِ مات ءُ دگہ مردماں پریس کانفرنس کتگ –

ھمے وھد ءَ ماما قدیر بلوچ ءَ گوستگیں روچاں مارواڑ ءَ سی ٹی ڈی کاروائی ءِ درگت ءَ گوشتگ کہ اے دروگیں میڑے بوتگ کہ اود ءَ پیسرا زورانسری آوار جنگ ءُ بیگواہ بوتگیں مردم کُشگ بوتگ انت –

آئی ءِ گوشگ ات کہ اے مردمانی تہ ءَ علی بیگ ء داعی ھان، خیرو ء شاھمیر، مراد ء پنام مدو ء نھال خان ءُ مراد بخش ء نور خان ھوار انت – جنگ بوتگیں مردمانی تہ ءَ ملا مادو مزارانی گون انت کہ آ دو سال ءَ پیش شال ءَ جتک اسٹاپ ءَ آ چہ گِس ءَ پاکستانی پوج ءُ چیریں آدارھاں اوار جتگ ءُ بیگواہ کتگ –