کوپا امریکہ ءُ یورو کپ فٹبال گوازی برجاہ

کوپا امریکہ ءِ دومی راؤنڈ ءِ سیمی گوازی ءَچلی ءُ چارمی گوازی ارجنٹینا ءَ یک یک گولے ءَ باج برتگ، پورو کپ ءَ ھنگری ءُ فرانس، اسپین ءُ پولینڈ یک یک گولے ءَ دیمیگ جرمنی ءَ چار گول ءَ باج برتگ گوازی وتی نام ءَ کتگ انت –

کوپا امریکہ ءِ گوازی برجاہ انت گوستگیں روچ ءَ دومی راؤنڈ ءِ سیمی گوازی چلی ءُ بولوویا میان ءَ بوتگ ءُ چارمی گوازی ارجنٹینا ءُ یوروگا ءِ میان ءَ بوتگ – چلی ءِ لیبیاں جوانی ءَ گوازی کنان ءَ یک گولے اسکور کتگ گوازی وتی نام ءَ کتگ بلوویا نیمگ ءَ چہ ھچ گول اسکور کنگ نبوتگ – ھمے وڑ یورگا ءِ نیمگ ءَ ھم ھچ گول کنگ نبوتگ ارجنٹینا ءِ لیبیاں یک گولے اسکور کتگ ءُ گوازی وتی نام ءَ کتگ –

چلی ءُ بلوویا میان ءَ بوتگیں گوازی ءَ یکیں گول چلی ءِ لیبی بِن بریریتون ءَ داتگ وھدیکہ ارجنٹینا ءُ یوروگا ءِ میان ءَ بوتگیں گوازی ءَ ارجنٹینا ءِ لیبی گیرے رودریگیو ءَ یکیں گول اسکور کتگ گوازی وتی نام ءَ کتگ –

کوپا امریکہ ءِ دیم ءِ سیمی راؤنڈ ءِ گوازی وینزیلا ءُ ایکواڈور ، کولمبیا ءُ پیرو ءِ میان ءَ بوگ ءَ انت ـ

دومی نیمگ ءَ یوئیفا یورو کپ فٹبال گوازی برجاہ اِنت ءُ دوشی شپ ءَ ھنگری ءُ فرانس، پرتگال ءُ جرمنی، اسپین ءُ پولینڈ ءِ میان ءَ دومی راؤنڈ ءِ گوازی کنگ بوتگ انت –

دوشیگیں گوازی ءَ ھنگری ءُ فرانس ، اسپین ءُ پولینڈ یک یک گولے ءَ دیمیگ بوتگ انت وھدیکے پرتگال ءُ جرمنی ءِ میان ءَ بوتگیں گوازی ءَ پرتگال ءَ دو گول داتگ ءُ جرمنی ءَ چار گول داتگ ءُ باج برتگ –

یوئیفا یورو کپ ءِ دومی راؤنڈ ءِ دھمی گوازی ھنگری ءُ فرانس ءِ میان ءَ بوتگ ھنگری ءِ لیبی اتیلا پیولا یک گولے اسکور کتگ، فرانس ءِ نیمگ ءَ ھم یک گولے اسکور کنگ بوتگ کہ فرانس ءِ لیبی اینتوئن داتگ ھردو ٹیم یک یک گولے ءَ دیمیگ بوتگ انت –
یازدھمی گوازی پرتگال ءُ جرمنی ءِ میان ءَ بوتگ پرتگال ءِ نیمگ ءَ دو گول اسکور کنگ بوتگ کہ آھانی تہ ءَ یک گولے رونالڈو ءُ دومی گول ڈائیگو جوتا داتگ جرمنی ءِ لیبیاں جوانی ءَ گوازی کنان ءَ چار گول داتگ چاریں گولانی تہ ءَ یک گول ءِ آؤرتگ – دیاس دومی گول رپھیل سیمی کائی ھیورتز چارمی روبن ءَ داتگ ءُ باج برتگ –

دوازدھمی گوازی اسپین ءُ پولینڈ ءِ میان ءَ بوتگ اسپین نیمگ ءَ چہ یک گولے اسکور کنگ بوتگ کہ اسپین ءِ لیبی الوارو مراتا ءَ داتگ ھمے وڑ پولینڈ ءِ نیمگ ءَ چہ ھم یک گولے اسکور کنگ بوتگ کہ پولینڈ ءِ لیبی روبرٹ لیوندوسکی ءَ داتگ ھردو ٹیم یک یک گولے ءَ دیمیگ بوتگ انت –
یورو کپ ءِ دیم ءِ گوازی اٹلی ءُ ویلس، سوئیزرلینڈ ءُ ترکی ءِ میان ءَ جتا جتائیں پٹاں بوگ ءَ انت –