بلوچستان: دو دگ وئیلاں پانزدہ مردم زدگ

سر بیتگیں ھالانی رد ءَ بلوچستان ءِ دمگ شیرانی ءَ اسکول وین ءُ ٹرکے ءِ میان ءَ وئیل بیتگ کہ چریشی ءَ سیزدہ نودر زدگ بیتگ اَنت –

وئیل ڈی آئی ھان دگ ءَ کیپ ءِ نزیک ءَ پیش اتکگ کہ اود ءَ ٹرکے ءَ پشتکائی اسکول ءِ وین ءَ را ٹکر جتگ ءُ چریشی ءَ سیزدہ نودربر زدگ بیتگ اَنت ءُ چار کسانی جاور نگیگ ءُ شال ءَ برگ بیتگ اَنت –

زدگ بیتگیں نودربرانی سیادی عالم خان ءِ ھند ءَ گوشگ بیگ ءَ اَنت –

ھمے وڑ ھزدار ءَ اچر بند ءَ دو گاڑیانی ڈک ورگ ءَ بی این پی ھزدار ءِ رھشون عالم فراز مینگل ءُ آئی ءِ ھمراہ زدگ بیتگ اَنت –

زانگ بہ بیت گوستگیں روچ ءَ ھزدار ءَ بیتگیں دگ ءِ وئیلے ءَ بیست مردم بیران ءُ پنجاہ ءَ گیش زدگ بیتگ اِت اَنت –

بلوچستان ءِ دگانی پردی نام مھلوک ءِ نیمگ ءَ “ھونی دگ ” ایر کنگ بیتگ اَنت بازیں مردم بلوچستان ءِ دگانی سر ءَ سپر کنگ ءَ وتی زند ءِ گڈی روچ سرپد بنت اِنت –

دگانی بارہ ءَ گوشگ بیت کہ پروشت ءُ پروشی ءِ ھواری ءَ بلوچستان ءَ ڈرائیورانی نادلگوشی ءُ دگانی سر ءَ گر ءُ داری ءِ نہ بوگ ءِ برابری اِنت –