بلوچ اسٹوڈنٹس ایکشن کمیٹی نال ھنکین ءِ نیمگ ءَ مراگش ءِ برجم کنگ ءِ جار پرینگ بیتگ

سر بیتگیں ھالانی رد ءَ بلوچ اسٹوڈنٹس ایکشن کمیٹی نال ھنکین ءِ نیمگ ءَ جار پِرینگ بیتگ کہ شش جون ءَ یک مراگشے دارگ بیت اِنت –

ھنکین ءِ نیمگ ءَ شنگ بیتگیں جار ءِ رد ءَ دیوان ءَ کتاب، وانگ ءُ زانگ ءُ زانشتی ءِ دگہ پھناتاں گپ کنگ بیت اِنت –

جار ءِ رد ءَ دیوان گورنمنٹ بوائز ھائی اسکول ءَ شش جون ءَ یکشمبے ءِ سھب ءِ ساھت یازدہ ءَ بندات کنگ بیت اِنت –

جار ءِ رد ءَ گوشگ بیتگ کہ نیاد ءَ بلوچستان کتاب کاروان ءِ نام ءَ کتاب ایر کنگ بنت اِنت –

زانگ بہ بیت بلوچ اسٹوڈنٹس ایکشن کمیٹی بلوچستان ءَ ھوار کراچی ءَ ھم باز وھد ءَ وانگ ءُ زانگی نیاداں گندگ ءَ کیت اِنت –

بلوچ اسٹوڈنٹس ایکشن کمیٹی بلوچستان ءَ بلوچ نودربرانی رھشونی ءَ یک گلے کہ آئی ءِ سروک ھمے زوتاں ڈاکٹر صبیہ گچین کنگ بیت –

بلوچ اسٹوڈنٹس ایکشن کمیٹی ءَ دمگ ءَ دراھیں مردماں گوں دزبندی کرتگ کہ آ وتی زھگاں اے نیاد ءَ دیم بہ دے اَنت ءُ آیانی دلگوش ءَ گوں وانگ ءِ نیمگ ءَ بہ ترین اَنت –