بلوچستان ءَ کرونا نادراھی ءَ دگہ دو کس بیران

بلوچستان ءَ جھانی وبا کرونا وائرس ءِ نادراھی ءَ دگہ دو کس بیران بیتگ اَنت ءُ ھپتاد ءُ ھپت نوکیں نادراہ پدر بیتگ اَنت اے وھد ءَ کرونا وائرس ءِ آماچ بوتگیں درسی مردمانی کچ بیست ءُ پنچ ھزار ءُ دوسد ءُ نود پنچ ءَ سر بوتگ انت –

بلوچستان ءِ جانسلامتی ءِ نیمگ ءَ چہ شنگ بوتگیں رپورٹ ءِ رِد ءَ گوستگیں روچ ءَ بزاں سَے شمبے ءَ بلوچستان ءَ یک ھزار ءُ چار سد ءُ چاردہ مردمانی کرونا ٹیسٹ کنگ بوتگ اَنت اے ٹیسٹانی تہ ءَ شال ءَ چل ءُ ھپت، پنجگور ءَ دوازدہ، کیچ ءَ دہ، مستونگ ءَ پنچ، پشین ءَ دو، گوادر ءَ یک مردمے ءَ نادراھی پدر بیتگ انت – چریشی ءَ پد تنی وھدی بلوچستان ءِ تہ ءَ کرونا نادراھی ءَ آماچ بوتگیں مردمانی کچ نوکیں کیساساں ھوار سرجمی ءَ بیست ءُ پنچ ھزار ءُ دو سد ءُ نود ءُ پنچ ءَ سر بوتگ اَنت-

رپورٹ ءِ رِد ءَ بلوچستان ءَ کرونا وائرس ءِ آماچ بوتگیں دگہ دو مردم بیران بوتگ اَنت – چریشی ءَ پد بیران بوتگیں درسیں مردمانی کچ دوسد ءُ ھشتاد ءُ دو ءَ سر بوتگ اَنت –

رپورٹ ءِ رِد ءَ گوستگیں بیست ءُ چار ادارانی میان ءَ یک سد ءُ دوازدہ نادراہ وش بوتگ اَنت، وش بوتگیں مردمانی کچ نوکیں کیساساں ھوار سرجمی ءَ بیست ءُ سَے ھزار ءُ نُھ سد ءُ نود ءُ سَے انت –

رپورٹ ءِ رِد ءَ بلوچستان ءِ تہ ءَ کرونا وائرس ءِ یک ھزار بیست نادراہ ھست انت کہ آھانی تہ ءَ سِی ءُ سَے نادراہ ھائی ، لو آکسیجن فلور ءِ تہ ءَ الاج انت، وھدیکے بلوچستان ءِ تہ ءَ جھانی وبا کرونا وائرس ءِ گیشتر تالان بوگ پنچ در سد انت –