بلوچستان ءَ کرونا نادراھی ءَ سَے کس بیران

بلوچستان ءَ بیست ءُ چار ادارانی تہ ءَ سَے کس کرونا نادراھی ءَ بیران بیتگ اَنت ءُھشتاد ءُ دو نوکیں نادراہ پدر بیتگ اَنت –

بلوچستان ءِ جانسلامتی ءِ نیمگ ءَ شنگ کرتگیں رپورٹ ءِ رد ءَ شمبے ءَ بلوچستان ءَ یک ھزار ءُ چار سد ءُ بیست مردمانی ٹیسٹ کنگ بیتگ اَنت ءُ اے ٹیسٹانی تہ ءَ پنجاہ ءُ شش نادراہ شال ءَ پدر بیتگ اَنت –

رپورٹ ءِ رد ءَ اُستان ءَ کرونا نادراھی ءَ گپتگیں مردمانی کَچ نوکیں نادراھانی ھواری ءَ بیست ءُ پنچ ھزار ءُ ھشتاد ءُ سَے ءَ سر بیتگ اَنت ءُ تھتیگیں نادراہ یک ھزار ءُ دو سد ءُ دوازدہ اَنت –

رپورٹ ءِ رد ءَ بیست ءُ چار ادارانی تہ ءَ نادراھی ءَ سِی کس دراہ بیتگ اَنت ءُ چریشی ءَ پد سرجمیں وش بیتگینانی کَچ بیست ءُ سَے ھزار ءُ پنچ سد ءُ نود ءُ پنچ ءَ سر بیتگ اَنت –

رپورٹ ءِ رد ءَ سِی ءُ یک کس ھائی فلو آکسیجن ءِ نادراہ جاھاں تھتیگ اَنت ءُ کرونا ءِ نادراھی ءَ سَے کس بیران بیتگ اَنت -ی

رپورٹ ءِ رد ءَ اے سئیں کسانی ھواری ءَ بلوچستان ءَ بیران بیتگیں مردمانی کَچ دو سد ءُ ھپتاد ءُ شش ءَ سر بیتگ اَنت –

رپورٹ ءِ رد ءَ گوستگیں بیست ءُ چار ادارانی تہ ءَ بلوچستان ءِ سیزدہ شھراں کرونا ءِ ٹیسٹ بیتگ اَنت آ دگہ بیست جاھاں ٹیست ھچ کنگ نہ بیتگ ءُ دو جاھاں یک یکے ٹیسٹ کنگ بیتگ اَبت –