بلوچستان، دگ ءِ وئیلاں یک کسے بیران، زالبول ءُ چکے ءَ ھوار سَے کس زدگ بیتگ اَنت

سر بیتگیں ھالانی رد ءَ سبی ءُ شال ءُ رؤکیں دگ پھاٹک دشت ءِ نزیک ءَ ٹرکے ءَ پرپٹے ءَ را ٹکر جتگ چریشی ءَ یک مردمے بیران ءُ یکے زدگ بیتگ –

بیران بیتگیں مردم ءِ پجار بابل ء حبیب اللہ جھمنند مَچ ءُ آئی ءِ ھمراہ زدگ بیتگ –

ھمے وڑ ءَ دگہ یک وئیلے ءَ زالبول ءُ یک چُکے زدگ بیتگ اَنت –

گیشیں ھالانی رد ءَ شال ءَ دیم پہ دکی ءَ رؤکیں وین بغاو ءِ ھند ءَ کَلٹی بیتگ ءُ چریشی ءَ زھگ ءُ زالبولے زدگ بیتگ اَنت –

زدگ بیتگیں مات ءُ چُک دکی ءِ نادراہ جاہ ءَ سر کنگ بیتگ اَنگ زدگ بیتگیں زھگ عبدالسلام ءِ چُک اِنت ءُ آئی ءِ لوگی ھم زدگ بیتگ –

ھردوک نادراہ جاہ ءَ سر کنگ بیتگ اَنت اود ءَ ٹپانی درمان کنگ ءَ پد ھردوک مات ءُ چَک لوگ ءَ روان دیگ بیتگ اَنت –