شال ءَ بیگواھیں مردمانی ھاتر ءَ زھرشانی برجاہ

بلوچستان ءِ بنجاھی شھر شال ءِ پریس کلب ءِ دیم ءَ ھور ءُ ھرگ ءَ وائس فار بلوچ مسنگ پرسنز ءِ زھرشانی برجاہ، زھرشانی ءَ مروچی چار ھزار ءُ سَے سد ءُ دو روچ سرجم بوتگ –

بلوچستان ءِ ایندگہ دمگانی وڑ ءَ بنجاھی شھر شال ءَ ھور بندات بوتگ وی بی ایم پی ءِ رھشون ماما قدیر بلوچ ءِ سرکماشی ءَ بیگواھیں مردمانی ھاتر ءَ زھرشانی برجاہ بوتگ ، وھدیکہ بیگواھیں بلوچانی کھولاں بنجل ءَ اتکگ ءُ وتی زھرشانی نبشتہ کنائینتگ –

ھمے وھد ءَ وی بی ایم پی ءِ رھشون ماما قدیر بلوچ ءِ گوشگ ات کہ بلوچانی زانگولیں جونانی جیڑہ پاکستان ھاکمیں تاکتاں جوابدھی درگت ءَ وت ءَ رکینت نہ کتگ اگاں پاکستانی ھاکم درسیں بھر تھ ئِے ءُ ڈنی درچ ءَ بلوچستان ءِ تہ ءَ انسانی ھکانی لگتمالی ءِ چیر دیگ ءِ ھاتر ءَ دروگیں درشان دیگ ءَ ھوار رسانکدر ءُ دگہ تکاں کارمرز کنگ ءُ پیداک انت بلے بلوچ ءِ پُرایمنیں جُھد ءِ تہ ءَ گیشی ءُ بیگواھیں بلوچانی کھولانی وتی دوستیگیں مردمانی یلا کنائینگ ءِ ھاتر ءَ بے درور ءُ راجدپتر ساز پُرایمنیں جُھد ءَ پاکستانی ھاکمانی درسیں پندل ءُ جھدانی سر ءَ آپ پِریتکگ –

آئی ءِ گوشگ ات کہ بیگواھیں بلوچانی کھولانی زھرشانی درسیں ایمنی تکاں کارمرز کنگ ءَ میان اُستمان برادری ءِ دلگوش ءَ وتی نیمگ کنگ ءَ لاچار کتگ – بلوچ پرزنداں ریاستی ادارھانی دست ءَ آوار جنگ ءُ بازیں وھد ءَ بیگواہ کنگ ءُ آھاں چیریں ریاستی زنداناں سک باز لٹ ءُ کٹ کنگ ءُ شھید کنگ ءُ آھانی زانگولیں جونانی دور دیگ منّ اِتگیں میان اُستمانی کانود، رھبند ءُ انسانی ھکانی کنونشنر ھساب ءَ چک چینی ءُ جنگی جرم ءِ ھساب ءَ چارگ بیت –