کلات، دگ ءِ وئیلے ءَ سَے مردم بیران ھژدہ زدگ

سر بیتگیں ھالانی رد ءَ بلوچستان ءِ دمگ کلات ءَ دگ ءِ وئیلے ءَ سَے مردم بیران بیتگ اَنت ءُ ھژدہ زدگ بیتگ اَنت –

گیشیں ھالانی رد ءَ کلات ءِ دمگ بینچہ ءَ پیک اپ گاڑی ءُ وینے ءِ میان ءَ ٹکر وری بیتگ چریشی ءَ ھژدہ مردم زدگ بیتگ اَنت ءُ دو کس ھما دمان ءَ بیران بیتگ اَنت –

زدگ بیتگیں مردم کلات ءِ نادراہ جاہ ءَ آرگ بیتگ اَنت اود ءَ یک زھگے ءَ ھم ساہ داتگ اَنت ءُ وئیل بیمناک بیتگ ءُ چریشی ءَ زدگ بیتگیں مردمانی پریات ءُ زاریاں نادراہ جاہ سر ءَ زرتگ –

بیران بیتگیں مردمانی جون آغا کریم خان ءِ نادراہ جاہ ءَ برگ بیتگ اَنت –

زانگ بہ بیت گوستگیں روچ ءَ بلوچ ءَ دگ ءِ وئیلاں پنچ مردم بیران بیتگ اَنت –

گوستگیں روچ ءِ وئیل قلعہ سیف اللہ ءِ دمگ گڑنگ ءَ دیم ءَ اتکگ اَنت کہ اود ءَ چار مردم بیران ءُ یکے زدگ بیتگ –

ھمے وڑ ءَ بولان ءِ دمگ ڈھاڈر ءَ ٹرک ءُ پرپٹے ءِ میان ءَ دگ ءِ وئیل بیتگ ءُ چریشی ءَ پرپٹ سوار بیران بیتگ اَت –

بلوچستان ءَ دگ ءِ وئیلاں ھمک روچ ھزارانی مردم زوال بیگ ءَ اَنت بلے دمگدار ءُ انتزامیہ اے درچ ءَ ھچ رنگ ءَ گندگ ءَ آیگ ءَ نہ اَنت –