روکپتی بلوچستان ءَ ایرانی لشکر ءِ سر ءَ تیرگواری ءِ بھتام ءَ سَے کس دزگیر

سر بیتگیں ھالانی رد ءَ روکپتی بلوچستان ءِ دمگ سراوان ءَ ایرانی اطلات ءِ سر ءَ تیرگواری ءَ پد ایرانی اطلات ءُ سپاہ ءَ بیڑ برتگ ءُ سَے کس دزگیر کرتگ ءُ برتگ اَنت –

دزگیر کرتگیں مردم سراوان ءِ دمگ سرجو ءَ گرگ بیتگ اَنت کہ اود ءَ ایرانی لشکر ءَ ھرسیں مردمانی چم بستگ ءُ ناشناسیں زنداناں برتگ اَنت –

تیرگواری گوستگیں روچ ءِ ساھت یک ءَ ایرانی پازگاہ ءِ سر ءَ ناشناسیں مردماں کرتگ ءُ چریشی ءَ دمگ ءَ ترس ءُ بیم ودی بیتگ اَنت –

دزگیر کنگ بیتگیں مردمانی تہ ءَ دو کسانی پجار حیات سوری زئی ءُ شمس الدین مزار زئی ءِ ناماں زانگ بیتگ اَنت سیمی ءِ پجار تنی وھدی نہ بیتگ –

ایرانی اطلات ءَ دمگ ءِ مردم بیھار داتگ ءُ گوشتگ اَنت اکس ءُ تامر کش ءَ دور بہ دار ایت ءُ کسے ءَ اگسبندی کرت چوشیں وھداں آئی ءِ سر ءَ گامگیج زورگ بیت اِنت –

گپتگیں مردمانی بارہ ءَ سیکورٹی ادارھاں تنی وھدی دگہ گپ دیم ءَ نیاؤرتگ اَنت –