بلوچی زبان ءِ گدار نویس ھسا بجار ءِ وانگی چاپ بیتگ

سر بیتگیں ھالانی رد ءَ بلوچی زبان ءِ نبشتہ کار ھسا بجار ءِ وانگی “گدار کیھر ” چہ علم و ادب پبلشرز ءِ نیمگ ءَ چاپ بیتگ –

اے وانگی بلوچستان ءِ کتابجاھاں دز کپ ایت، ھسا بجار ءِ گدارانی اے دومی وانگی اِنت کہ چریشی ءَ پیسر ھسا بجار ءِ وانگی “کلیر “شنگ ءُ تالان بیتگ کہ آئی ءِ سر ءَ بازیں لبزانکاراں وتی ھیال ءُ لیکہ درشان کرتگ اَنت –

ھسا بجار ءِ وانگی “کیھُر ” پیشگال بلوچی زبان ءِ نامی ئیں ندکار ناگمان ءُ اسگر زھیر ءَ نبشتگ کرتگ کہ پیشگال ءَ ھردوکیں ندکاراں ھسا بجار ءِ وانگی ءِ ساڑا نبشتگ ءُ درشان کرتگ اَنت –

ھسا بجار ءِ وانگی یک سد ءُ دَہ تاک دیماں گوں آئی ءَ گدار نز آؤرتگ اَنت کہ بلوچی زبان ءَ جوانیں سوگات ءِ بیت کنت –