کرنل نصیب اللہ ءِ سدکی دیگ ءَ ابید ھم منی زھگ ھشست سالاں بیگواہ اِنت – سعید اھمد ءِ مات

بلوچستان ءِ دمگ مستونگ ءَ سال دوھزار ءُ سیزدہ ءَ بیگواہ بیتگیں لیویز کارمند سعید اھمد ءِ مات ءَ گوشت کہ منی زھگ ءِ ھمراھی ءَ دزگیر کنگ بیتگیں عبداللہ سال دوزھزار ءُ ھژدہ ءَ یل کنگ بیتگ ءُ وھدیکہ مارا ایف سی ءِ کرنل نصیب اللہ ءَ زھگ ءِ یل کنگ ءِ سدکی داتگ بلے زھگ انگت ءَ بیگواہ اِنت –

آئی ءَ دزبندی کتگ ءُ گوشتگ کہ منی زھگ لیویز فورس ءِ ملازم اِنت ما گوستگیں ھشت سالانی تہ ءَ ھمک دراں ٹُکان اِنگ بلے تنی وھدی کسے ءَ مئے گوانک اش نہ کرتگ اَنت-

آئی ءَ گوشت کہ ما سرکار ءَ گوں دزبندی کن ایں اگاں منی زھگ دیندار اِنت گڑا آئی ءَ تو وتی امیدگس ءَ پیش بہ کن –

زانگ بہ بیت سعید اھمد ء حبیب اللہ سال دوھزار ءُ سیزدہ ءَ مستونگ لدھا ءِ ھند ءَ عبداللہ ءِ گون ءُ زورانسری آوار جنگ بیتگ اَت ءُ سال دوھزار ءُ ھژدہ ءَ عبداللہ یلہ کنگ بیتگ ءُ وتی لوگ ءَ سر بیتگ، بلے ھشت سالاں منی زھگ ءِ ھِچ ھَتا پتہ نیست اِنت –

ھمے سال ءَ مستونگ ءَ پریس کانفرنس کنان ءَ بیگواھیں سعید اھمد ءِ مات ءَ گوشتگ اَت کہ منی دو زھگ چریشی ءَ پیسر تیرانی نشانگ کنگ ءُ کُشگ بیتگ اَنت ءُ اشانی تہ ءَ پَشکپتگیں سعید اھمد بیتگ کہ اے ھم گرگ ءُ بیگواہ کنگ بیتگ چریشانی کوش ءُ سعید اھمد ءِ بیگواھی ءَ منی جنک ءَ درد سگ اِت کُت نہ کتگ اَنت دلترک بیتگ ءُ اے دنیا ءَ آئی ءَ سپر کرتگ –

آئی ءَ گوشت کہ منی ورنائیں بچ میر مھمد سال دوھزار ءُ نُھ ءَ چہ لوگ ءَ دیم پہ بازار ءَ وردنی ءِ زورگ ءَ روگ ءَ بیتگ کہ بیگواہ کنگ بیتگ، بازیں روچاں شوھاز کنگ ءَ پد آئی ءِ جوب نزیکیں میتگ ءَ کاریزے ءِ نزیک ءَ دزکپتگ بے دردی ءَ کُشگ بیتگ منی دگہ یک ھبدہ سالی ئیں ورناہ ریاض اھمد سال دوھزار ءُ دوازدہ ءَ چہ لوگ ءَ دراتکگ ءُ بیگواہ بیتگ ما پولیس ءِ گور ءَ پورٹ کرتگ شوھاز کرتگ ءُ بلے لھتے وھداں پد منی دومی زھگ ءِ لاش آماچ ءِ کوھی دمگاں دزکپتگ کہ زالمیں جتگ ءُ ھمود ءَ چگل داتگ –