ریاستی چاریگ ءُ کمکار ھچ رنگ ءَ پَھِل کنگ نہ بنت – بی ایل ایف

بلوچ آجوئی لوٹوکیں سلاہ بندیں گل بلوچستان لبریشن فرنٹ ءِ جارکش میجر گْوھرام بلوچ ءَ رسانکدراں وتی شنگ کرتگیں درشان ءِ تہ ءَ لیویز کارمند مکن کتگ ءُ گوَشتگ کہ آواران ءَ لھتیں دمگ ھاسکر گیشکور ءُ مالار ءَ لھتیں لیویز کارمند پاکستانی پوج ءِ گون ءَ ھوار اَنت ءُ بلوچانی چاریگری، بیھار دیگ ءِ ھواری ءَ لس مھلوک ءَ تنگ کنگ ءَ اَنت- اے کارمندانی پجار بوتگ ءُ درسیں ھال ءُ اھوال مارا سربوتگ اَنت ما آھاں مکن کن اِیں کہ ھچ وڑ ءَ پاکستانی پوج ءِ کمکار ءُ آئی ھر وڑیں کارانی بھر بوگ ءَ وت بہ پھریز انت –

جارکش ءَ گوشتگ کہ مئے مکن کنگ ءَ ابید اگاں کسّے اے وڑیں کتکاریاں ھوار بوت گڑا آھاں ترندیں سزا ءِ دیمپانی کنگ کپ اِیت – ایشی ءَ چہ رند آھانی کھول ءُ سیادانی نیمگ ءَ چہ ھچ وڑیں دزبندی منّگ نہ بیت- مئے اوّلی روچ ءَ چہ ھمے جھد بوتگ کہ ھچ بلوچ سرمچارانی نشانگ مہ بیت بلے اے وڈیں سلکاری ءُ پاکستانی پوج ءِ گوما ھمکوپگ بؤوک ھچ وڑ ءَ پھل کنگ نہ بنت – بلوچ بوگ ءِ دِرچ ءَ اے لیویز کارمند مکن کنگ بنت کہ آ پاکستانی پوج ءُ زورگیریں پوج ءِ ھمکوپگی ءَ یلہ بہ دے اَنت – آئی ءَ گوَشتگ کہ مروچی اے گپ کس ءَ چہ چیر نہ اِنت کہ پاکستان بلوچانی چکچینی، جنگی میارباری ءُ انسانیت ءِ بگیری ءَ میارباری کنگ ءَ اَنت-

میجر گوھرام بلوچ ءَ گوَشتگ کہ اے دراھیں چیزاں سرپد بوگ ءَ ابید انگت اگاں کسے پاکستانی پوج ءِ ھمراداری کنت گڑا آ وتی تاوان ءِ زمہ وار وت بیت اِنت –