آزمانک: گنوکیں کامریڈ- بی کے بلوچ

نبشتانک: آزمانک : گنوکیں کامریڈ

آزمانکار : بی ،کے بلوچ

دی بلوچستان پوسٹ

آ دلوتانی ڈاکٹر اَت سر ءِ پُٹ ءِ مَزن اَت آں آئی ءَ ھچ ءِ سَما نیست اَت کسّی کار ءَ کار ءِ نیست اَت گون کسے ءَ گپ ءِ ھم نہ کُت انچوش ھاموش اَت اَگاں ھاموشی ءِ نوبل پرائز دیگ بیت اِنت گُڑا آئی ءَ اَلم گپتگ اَت آئی ءَ وتئی یک ایوکیں دگنیا اَت۔
اَگاں دلوتانی اِلاج (علاج) ءِ وست ءَ درمان دارگ ھلاس بنت نادْرھجاہ، اِسپتال ءِ گُڑا بیمّار نادراہ، ناجوڑ، ناسلامت این دلوت آں آ دَم ءُ چوپّ کُنت آ یک ملنگ ءِ آئی ءَ وتئی کُچِکّ، بینگ سک دوست اَت ءَ ھر وھد ءَ نادراہ بوت گُڑا اِزگند ءُ تھلگ ءِ دات بَلّے آ وڑین دّوا ءِ بئے نہ دات آئی ءَ ھر وھد ءَ تْرنداپ ءُ ” شراب” ءُ سْیاہ چاہ اَوار کُت اَنت ءُ وارت اَنت آئی گُشگ اَت کہ دگنیا ءِ وشترین ورگ سیاہ چاہ ءُ لھڑ داتگیں ھیک اِنت پد ءَ گون تْرنداپ سیاہ چاہ اَوار بہ بیت بَلّے سیاہ چاہ شکر مان مہ بیت سک زھر بہ بیت گون تْرنداپ ءُ اَوار گُڑا ءَ دلکَش اِنت ۔
میتگ ءِ جنین آں آئی را بئے پہ نام تَوار نہ کُت ھر وھد ءَ ڈاکٹر گنوک ءِ نام ءَ تَوار کُت وھد ءِ ھمئے جنینانی دلوت نادراہ بوت اَنت گُڑا ھماہ روچ بس ڈاکٹر رھم دِل ساھب ءِ نام ءَ تَوار کنگ بوت ۔

انسان سکیں متلبی اَنت بَلّے آئی ءَ ھچ دِل ءَ نہ کُت آئی دل سک مَزن ات آ ھرکسی کار ءَ اتک آئی ءِ اُمر شَست سال اَت بَلّے انگت کسے نہ زانت آ چونیں مردم ءِ وکی آ تھنا دلوتانی ڈاکٹر اَت یہ دیگہ مردم اَت ھچ زانگ نہ بوت شپ ءَ آئی ءَ وتئی کُچک گون اَت چھل کدمی ءَ شُت دُور شُت آئی کُچک ھُولّاسگ ءَ اَت آ ھَیران ءُ پرشان اَت پرچے کہ آئی کُچک ءَ بئے چوش نہ ھُولاسیتگ اَت آئی ءَ کُچکّ ءِ ھُولّاسگ ءَ بدیں پال ءِ زانگ ءَ اَت ءُ آئی ءَ اے ھم زانت کہ پہ آئی ءَ بدین پال چِہ بیت کنت آئی شَر زانت کہ آ اَسَل بُندر ءَ کہ اِنت آئی ءِ گون ءَ چِہ بیت کنت ءُ آ چونیں راہ ءِ مُساپر اِنت کُچکّ ءِ ھُولاّسگ پد آئی ءَ واتریت وتئی سرکاری لوگ ءَ شُت سُھب ءِ سباہ آئی ءِ لوگ پَوج ءَ گیرہ کُتگ اَت ایک پوجی ءِ لاؤڈ اسپیکر ءَ گُشگ ءَ اَت “کامریڈ شاھو” سلنڈر کن ءِ ترا ماپ کن آں بَلّے کامریڈ ءَ زانت کہ آئی چوشیں کار نہ کُتگ کہ آ ماپ کنگ بہ بیت ءُ پد ءَ آئی اندرءَ برین چونیں راز ھست اَت آں آ ھمئے دمان ءَ کہ لیوٹالسٹائی ءِ کتاب “جنگ ءُ امن “ءَ ونگ ءَ اَت ھیر ءِ کُت شپ ءِ سراتکگیں سْیاہ چہ ءُ تْرنداپ گلاس ءَ کمئے مان اَت ھمیش مزن مزنیں دو گُٹّ ءِ گپت ءُ وتئی سرجاہ چیر ءَ پستول ءِ کشیت ءِ آئی وتاس آٹومیٹک ریوالور ءَ اے زنگ بوت کہ اے کامریڈ کسانیں کامریڈ ءِ نہ اِنت آ سک گَل اَت آئی انچوش سَما بئیگ اَت کہ آئی سر ءَ شاده ءُ وشّی ءِ ھور بئیگ اِنت مرچی! آئی دَریگ پَچ کُت نِشانگ بست یک تیر ءِ آس دات ءُ یک دشمن ءِ جَت کہ پشت ءَ چِہ ایک پَوجی ءَ تیر ءِ جَت کہ آئی چپیں دست ءَ لاگیت آ کپت آئی کُچک چنگگ ءَ اَت آئی وتئی کُچک تاوار کُت گُلائیش ءِ کُت مھر ءِ دات پد ءَ وتار ءَ تیر ءِ جت ءِ کُچک آئی مَیّت ءَ چَٹّگ ءَ اَت آئی دگنیا یل کُتگ اَت برین کجاءَ شُتگ اَت ۔

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کارے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

آزمانک: گنوکیں کامریڈ- بی کے بلوچ

الم بوانیت

نوکتریں