کیچ ءَ پاکستانی پوج ءِ سر ءَ اُرش، اُرش ءِ زمّہ واری لشکر بلوچستان ءَ منّ اِتگ

ھوشاپ ءَ پاکستانی پوج ءِ پانگس ءِ سر ءَ اُرش کُتگ ءُ جانی ءُ مالی تاوان داتگ – لونگ بلوچ

سربوتگیں ھالانی رِد ءَ بلوچستان ءِ دمگ کیچ ھوشاپ ءَ ناشناسیں سلاہ بندیں مردماں پاکستانی پوج ءِ پانگس ءِ سر ءَ اُرش کُتگ، اُرش ءَ پاکستانی پوج ءَ جانی ءُ مالی تاوان رس اتگ اُرشکار درآیگ ءُ رؤگ ءَ سوبمند بوتگ اَنت –

دومی نیمگ ءَ بلوچ آجوئی لوٹوکیں سلاہ بندیں گل لشکر ء بلوچستان ءِ جارکش لونگ بلوچ ءَ وتی شنگ کرتگیں درشان ءِ تہ ءَ اے اُرش ءِ زمّہ واری منّ اِتگ ءُ گوشتگ کہ مئے سرمچاراں گوستگیں شپ ءَ ھوشاپ ءَ پاکستانی پوج ءِ پانگس ءِ سر ءَ وتکاریں سلاھاں گوں اُرش کُتگ –

آئی ءَ دیمتر ءَ گوشتگ کہ اُرش ءَ پاکستانی پوج ءَ جانی ءُ مالی تاوان رس اتگ –

لونگ بلوچ ءَ گوشتگ کہ مئے اے وڑیں اُرش بلوچستان ءِ آجوئی ءَ تاں برجاہ مان انت –